2217/2022-2023
Aizawl 7th October 2022: Nimin 6th October, 2022 khan Mizoram Health System Strengthening Project (MHSSP) a Component –II Kolasib District chhunga kalpuina atan Thawhhona Thuthlung (MOU) kum 1 chhung atan MzSRLM leh MHSSP ten an ziak. He MoU hi MzSRLM aiawhin Pu R. Zarzosanga IAS State Mission Director, MzSRLM/ Secretary Rural Development ni bawk leh MHSSP aiawhin Dr. Eric Zomawia Project Director, MHSSP ten an sign a ni.

He thawhhona in a tum ber chu Kolasib District chhunga MzSRLM hnuaia Self-Help Group te kaltlanga MHSSP Component 2 (Two) hnuaia hmalakna kalpui a ni. He hmalakna hian Health Insurance Enrollment tam thei ang ber nei tura hmalakna leh Non- Communicable Diseases chungchanga inzirtirna zau zawka kalpuina te a huam ang.

He hunah hian Pu R. Zarzosanga Secretary Rural Development Department chuan Rural Development Department in thingtlanga cheng te tan hmasawnna hna nasa tak scheme hrang hrang hmanga an thawh sawiin, he MoU pawh hi thingtlang mite hmasawnna atana hmalakna tur zinga pakhat a ni tih sawiin MOU Health Department nena an sign thei chu lawmawm a tih thu a sawi. Pi H. Lalchhandami MCS, CEO MzSRLM chuan thawhona tura hmalakna leh thawhonain a tum chungchang report tawi a pe bawk. Dr. Eric Zomawia,Project Director,MHSSP chuan MHSSP hi World Bank sum hmanga hmalakna a nih thu sawiin he hmalakna hian Health Insurance pawimawhna inzirtirna te, Cancer, Zunthlum, thisensang, Lung lam natna leh Awmna benvawn (Chronic obstructive pulmonary disease) chungchang inzirtirna a huam tur thu a sawi.