Mizoram  State Sports Council General Body Meeting  chu vawiin ni leng khan I&PR Auditorium-ah an President Sports Minister Pu Zodintluanga hovin an thukhawm.Meeting kaihruaitu Sports Minister chuan thuhma sawiin meeting a lo tel Sports Association hrang hranga  hruaitute a lo lawm a. Hetiang a Association zawng zawng huap a General Body  Meeting huam zau tak neih a nih nachhan tarlangin Mizoram a infiamna lamin hma a sawn theih nan infiamna chi hrang hrang a hruaitute inkarah inhriat tawnna leh inpawhna tha neih a tul a ni a ti 

Vawiin a General Body Meeting  hian thu ngaihtuah tur engemawzat a chhawp chhuak a, chung zingah chuan District tin a Sports Committee ruangam siam that rawtna te; District Sports Committee aiawh Council a dah rawtna te; Electrician Grade III post Council in a neih mek chu a tangkai zawk beiseina avangin Stenographer Grade III ah leh ni se tih te; meeting hmasain a lo rel anga Sports Association te tan infiamna hmanrua lei chungchanga lawmthu sawina te a tel a.Kum 2010-2011 chhunga Sport Council Budget tur tlangpui pharh a ni a, cheng nuai 862 chu pawm a ni.Vawiin meetingah hian Ramhlun Sports Complex leh  Lunglei District Sports Complex te chu SAI centre a leh rawt chungchangte pawh ngaihtuahho a ni a. Association engemawzatin Council recognition an dil chungchang te pawh an ngaihtuah tel bawk.

Vawin Council Meetingah hian Pu S Laldingliana Parliamentary Secretary pawh a tel.