No.1989/2021-2022

Aizawl the 25th August, 2021 : Vawiin chawhnu khan Economics & Statistics Department, Lunglei District chuan Registrar of Birth & Death Farm Veng Unit, Lunglei Pi Vanlalthangi Chhakchhuak, Headmistress, Government Electric Veng Primary School-II, Mizoram State Teachers Award, 2021 Primary School category-a lawmman dawngtu chu lawmpuina Citation leh sum fai an hlan.

Lunglei DRO & Assistant District Registrar Birth & Death, Pu TC Jonunsanga chuan he hun hi a kaihruai a. Registration of birth & death a mawhphurna pawimawh tak chelhtu Pi Vanlalthangi Chhakchhuak hlawhtlinna chu Economics & Statistics Department in a lawmpui takzet thu sawiin mahni hna a chiang leh inpe zirtirtu tha kan nei hi a lawmawmin kan chhuang takzet a ni, a ti. School leh zirlaite tana a in pumpekna leh thahnemngaihna hi a chhuanawm in a entawntlak hle a ni tiin a kal zelna turah duhsakna a hlan.

Pi Vanlalthangi Chhakchhuak hian online class te pe in youtube channel a siam a. Sap tawnga video awm ho chu mizo tawng ngeiin naupang ten an hriatthiam theih tura siamin hei hi zirlaiten an hlawkpui hle a ni. Tun dinhmunah Electric Veng Primary School II chuan zirlai naupang 103 an nei mek a ni.