India thenawm ram pahnih, Myanmar leh Bangladesh te nena insumdawn tawnna chungchang sawihona, Mizoram Trade & Investment Conclave chu Mizoram sorkar Trade & Commerce Department leh Indian Chamber of Commerce te buatsaihin vawiin khan Berawtlang Tourist Complex-ah neih a ni a. Chief Minister Pu Lal Thanhawla’n he Conclave hi a hawng.
Hawnna thu sawiin Pu Lal Thanhawla chuan India ram-in zalenna a neih hnua a ram thendarh a lo nih tak chinah hmarchhak bial chuan a dinhmun ngai a awh pha tawh ngai lovin hmasawnna kawng tinrengah a hnufual tawh a ni, a ti a. State dangte nena dinhmun inrualkhai lo tak chu siam rem turin ramria insumdawn tawnna hmanga hmalak dan ngaihtuah ho a pawimawh tih sawiin Pu Hawla chuan hmarchhak bial leh South East Asia te inkara thawhhona tha tello chuan India ram-in kum 2020 a ram hmasawn berte zinga tel phak a tum chu a hlawhtling thei lovang, a ti.
Ramria insumdawn tawnna chungchang sawiin Pu Hawla chuan hlawhtling taka kalpui turin hmabak pawimawh tak tak, a hmunhma tihchangtlun chungchangah te, hmarchhak bial atanga thil thar chhuah leh thawnchhuah theih tur zirchian te, nasa zawka mipui an tel te a pawimawh tih a sawi a. Policy duan leh bawhzui chungchang ah Central leh state sorkar hnuaia agency hrang hrang te an inhre pawh tawn lo nia a hriat thu sawiin Pu Hawla chuan thenawm ramte nena hmarchhak bial insumdawn tawnna chungchang buaipui leh vil tur bik regional body ruat a tul tih a sawi a. South East Asian countries te nen sumdawnna kawnga thawhhona thuthlung vawi engemaw zat siam tawh thinah hmarchhak bial chuan a hlawkna a tel tlem tih tarlangin Pu Hawla chuan multi-modal Kolodyne project chu peih fel a nih hunah hei hian Myanmar leh Bangladesh ram te chu Mizoram kaltlangin hmarchhak bial tan a hnuk hnaiin insumdawn tawnna pawh a ti nghet lehzual ang tih a beisei thu a sawi a. Ram pahnihte nena insumdawn tawnna turah Mizoram chuan agro-horticulture leh forest lamah thei leh thlai te, mau atanga thil siam chhuah leh damdawi atana hman chi thlai leh hlo chi hrang hrangte bakah power siam chhuah lamah te, handloom leh handicrafts lamah te, tourism lamah te sum peipunna tur a ngah tih a sawi a.Oil leh natural gas pawh hai chhuah tur tam tak a awm beisei a ni tih sawiin Pu Hawla chuan Mizoram sorkar Industrial policy chu private investment rawn ti duh tan a chhenfak awm thu pawh a tarlang a ni.
Keynote address sawitu Pu Lalrinliana Sailo, Trade & Commerce Minister chuan India Look East Policy chu Mizoram tan sum leh paia vanneihna thlentu a nih a beisei thu a sawi a. Myanmar nena insumdawn tawnna tur Zokhawthar hmuna buatsaih chu peihfel a nih dan sawiin Myanmar lama kawng la siam that loh chuan insumdawn tawnna tihlen zelna kawngah harsatna a siam thu a sawi a. He kawngpui siam tura ruahmanna awm chu India leh Myanmar sorkar ten an tihpuitlin thuai a pawimawh a ti a. Bangladesh nena insumdawn tawnna chungchangah Pu Rinliana chuan Thekka Bazar-a Land Custom Station sak leh Chittagong thlenga motor kawng siam that hna chu Bangladesh sorkar-in a ngaih pawimawh a tul thu a sawi bawk a. Hei bakah hian Mizoram chhim lam leh Rangamati thlun zawm turin Karnaphuli tuikawng chu hawn a pawimawh tih sawiin Bangladesh sorkar chu India nena an insumdawn na thuthlung Protocol for Trade & Transit Chapter VIII ah Chittagong, Kaptai, Rangamati Tlabung te chu ports -of-call a telh an remtih a pawimawh, a ti bawk.
Trade & Investment Conclave ah hian Dr.Md.Omar Faruque, First Secretary Commercial, Dy.High Commission of Bangladesh chuan Bangladesh sokar aiawha thu sawiin Mizoram nena insumdawn tawnna chu hlawhtling taka kalpui an duh tih a tarlang a. Mizoram in thawn chhuah tur a neihte hriat thuai an duh tih sawiin Mizoram Chamber of Commerce & Industries te chu India-Bangladesh Chamber of Commerce & Industry te nen thawhho dan tur chungchangah inbia se a duh tih a sawi. Myanmar sorkar aiawha thu sawitu His Excellency Sein Oo, Consul General of the Union of Myanmar pawhin India ram nena insumdawn tawnna chu an sorkar in a ngai pawimawhin hmasawnna ruhrel hrang hrang, kawng siam, Information Technology, power leh thil danga India-in Myanmar a tanpui dan te a tarlang a. Moreh leh Rih-Zokhawthar a insumdawn tawnna chu ram pahnihte inkara insumdawn tawnna tihlenna atan an pawimawh thu swiin heng te hi India hmarchhak leh Myanmar khawthlang lam hmasawnna rahbi pawimawh an ni, a ti a. Asia ram dang a India ram sumdawnna zauh belh turin Myanmar chu a kalkawng pawimawh a nih angin India tan a inhawng tih a tarlang bawk.
Conclave hawnna ah hian Mizoram sorkar atangin Assembly Speaker, Minister, Parliamentary Secretary, leh MLA te an tel tha hle a. He Conclave puala Exhibition, Art & Culture auditorium-a neih chu Chief Minister chuan a hawng nghal a. Hawnna inkhawm neih zawh hian Business session neih chhunzawm a niin hetah hian sumdawnna leh sum peipunna tura Mizoram-in thil a neih hrang hrang te ngaihthlak a ni a. Chawhnu hunah pawl hrang hrang te nen sawihona hun hman a ni bawk.
Ramria insumdawn tawnna chungchang sawiin Pu Hawla chuan hlawhtling taka kalpui turin hmabak pawimawh tak tak, a hmunhma tihchangtlun chungchangah te, hmarchhak bial atanga thil thar chhuah leh thawnchhuah theih tur zirchian te, nasa zawka mipui an tel te a pawimawh tih a sawi a. Policy duan leh bawhzui chungchang ah Central leh state sorkar hnuaia agency hrang hrang te an inhre pawh tawn lo nia a hriat thu sawiin Pu Hawla chuan thenawm ramte nena hmarchhak bial insumdawn tawnna chungchang buaipui leh vil tur bik regional body ruat a tul tih a sawi a. South East Asian countries te nen sumdawnna kawnga thawhhona thuthlung vawi engemaw zat siam tawh thinah hmarchhak bial chuan a hlawkna a tel tlem tih tarlangin Pu Hawla chuan multi-modal Kolodyne project chu peih fel a nih hunah hei hian Myanmar leh Bangladesh ram te chu Mizoram kaltlangin hmarchhak bial tan a hnuk hnaiin insumdawn tawnna pawh a ti nghet lehzual ang tih a beisei thu a sawi a. Ram pahnihte nena insumdawn tawnna turah Mizoram chuan agro-horticulture leh forest lamah thei leh thlai te, mau atanga thil siam chhuah leh damdawi atana hman chi thlai leh hlo chi hrang hrangte bakah power siam chhuah lamah te, handloom leh handicrafts lamah te, tourism lamah te sum peipunna tur a ngah tih a sawi a.Oil leh natural gas pawh hai chhuah tur tam tak a awm beisei a ni tih sawiin Pu Hawla chuan Mizoram sorkar Industrial policy chu private investment rawn ti duh tan a chhenfak awm thu pawh a tarlang a ni.
Keynote address sawitu Pu Lalrinliana Sailo, Trade & Commerce Minister chuan India Look East Policy chu Mizoram tan sum leh paia vanneihna thlentu a nih a beisei thu a sawi a. Myanmar nena insumdawn tawnna tur Zokhawthar hmuna buatsaih chu peihfel a nih dan sawiin Myanmar lama kawng la siam that loh chuan insumdawn tawnna tihlen zelna kawngah harsatna a siam thu a sawi a. He kawngpui siam tura ruahmanna awm chu India leh Myanmar sorkar ten an tihpuitlin thuai a pawimawh a ti a. Bangladesh nena insumdawn tawnna chungchangah Pu Rinliana chuan Thekka Bazar-a Land Custom Station sak leh Chittagong thlenga motor kawng siam that hna chu Bangladesh sorkar-in a ngaih pawimawh a tul thu a sawi bawk a. Hei bakah hian Mizoram chhim lam leh Rangamati thlun zawm turin Karnaphuli tuikawng chu hawn a pawimawh tih sawiin Bangladesh sorkar chu India nena an insumdawn na thuthlung Protocol for Trade & Transit Chapter VIII ah Chittagong, Kaptai, Rangamati Tlabung te chu ports -of-call a telh an remtih a pawimawh, a ti bawk.
Trade & Investment Conclave ah hian Dr.Md.Omar Faruque, First Secretary Commercial, Dy.High Commission of Bangladesh chuan Bangladesh sokar aiawha thu sawiin Mizoram nena insumdawn tawnna chu hlawhtling taka kalpui an duh tih a tarlang a. Mizoram in thawn chhuah tur a neihte hriat thuai an duh tih sawiin Mizoram Chamber of Commerce & Industries te chu India-Bangladesh Chamber of Commerce & Industry te nen thawhho dan tur chungchangah inbia se a duh tih a sawi. Myanmar sorkar aiawha thu sawitu His Excellency Sein Oo, Consul General of the Union of Myanmar pawhin India ram nena insumdawn tawnna chu an sorkar in a ngai pawimawhin hmasawnna ruhrel hrang hrang, kawng siam, Information Technology, power leh thil danga India-in Myanmar a tanpui dan te a tarlang a. Moreh leh Rih-Zokhawthar a insumdawn tawnna chu ram pahnihte inkara insumdawn tawnna tihlenna atan an pawimawh thu swiin heng te hi India hmarchhak leh Myanmar khawthlang lam hmasawnna rahbi pawimawh an ni, a ti a. Asia ram dang a India ram sumdawnna zauh belh turin Myanmar chu a kalkawng pawimawh a nih angin India tan a inhawng tih a tarlang bawk.
Conclave hawnna ah hian Mizoram sorkar atangin Assembly Speaker, Minister, Parliamentary Secretary, leh MLA te an tel tha hle a. He Conclave puala Exhibition, Art & Culture auditorium-a neih chu Chief Minister chuan a hawng nghal a. Hawnna inkhawm neih zawh hian Business session neih chhunzawm a niin hetah hian sumdawnna leh sum peipunna tura Mizoram-in thil a neih hrang hrang te ngaihthlak a ni a. Chawhnu hunah pawl hrang hrang te nen sawihona hun hman a ni bawk.
Attachment
- Loading attachment...
