Vawiin khan Revenue Department hotute leh Mizoram Pradesh Congress Committee (MPCC) hnuaia din Village Council Committee (VCC) te chuan Mizoram leh Tripura inrina vel ram chungchang sawiho turin Revenue Minister Pu J.H.Rothuama office chamber-ah an thukhawm.
Meeting hawnnaah Revenue Minister chuan Mizoram leh Tripura state te inkarah ramri inchuhna engmah a awm loh thu leh heng state 2 inrina la sawifel loh hrim hrim a nih bakah Mizoram state ram chin enfiaha tihchian a tul avanga hmalak a nih mai tur thu a sawi a. Revenue Department-in a hmunah kalin an enfiah ang a, Mizoram-in tanfung nghet tak a neih theihna tur report kimchang an thehluh hnuah Tripura sorkar lam dawr dan tur sawiho turin inhmuhkhawn leh a rawt nghal a ni.
Vawiina sawihonaah Mizoram-Tripura ramri chungchang 1933 Notification leh a hnua Geological Survey of India (GSI) Map-a he ramri inrin dan a inan loh avangin a hmuna enfiah a, Mizoram ramri chin tihfel thuai chu he meeting-ah hian rel thluk a ni.
Vawiina sawihonaah Mizoram-Tripura ramri chungchang 1933 Notification leh a hnua Geological Survey of India (GSI) Map-a he ramri inrin dan a inan loh avangin a hmuna enfiah a, Mizoram ramri chin tihfel thuai chu he meeting-ah hian rel thluk a ni.
