Vawiin khan Mizoram Veterinary Service Association (MVSA) chuan Annual General Conference vawi 29 na Tourist Lodge, Chaltlang-ah an hmang a. Conference hi Dr. Lalremliana, President, MVSA in a kaihruai a. Pu KS Thanga, Parliamentary Secretary chu khuallian a ni.

Khuallian chuan kan ram economy hian anih tur ang a la thleng lova. Hmasawn turin neitu nihna rilru kan put theuh a tul a ni, a ti a. Dan rorelna leh dikna lalna ram din hi kan sorkar in a ngaihpawimawh berte zing ami a ni a, kan ram economy siamtha turin sorkar pawhin theih tawp a chhuah reng a ni, a ti. Vety department bika sorkar hmalakna thenkhat sawilangin kan ram vawk ti tha lehzual turin foreign atangin vawk chi tha lakluh tum mek a ni a, artui thar chhuah zaa sawmthum (30%) a tipung turin hmalakna kalpui mek a ni bawk a. International Border-ah animal quarantine sa tura hmalak mek a ni, a ti.

Conference ah hian MAH & VS officer thar mi 6 a lawmlut a. Chawhnu lamah an service chungchanga thu pawimawh hrang hrang an sawiho a ni.