1184/2022-2023

Aizawl, 8th July, 2022 : Nimin chawhnu dar 2:00 khan MYC Youth Centre, Training Hall-ah Mizoram Youth Commission Chairman Dr Vanlaltanpuia, chuan  Mizoram Youth Commission in Super IAS 40 programme hnuaia a thlanchhuah mi 40 te  briefing neihpuiin, Counselling pawh neihpui nghal an ni.

Chief Minister Pu Zoramthanga'n Mizoram Youth Commission hnena Super IAS 40 programme atana sum a ruahman sak angin, Mizoram Youth Commission chuan Mizo thalai 40 All India Service Exam tura inbuatsaih nan a FULL SPONSORSHIP pe tur thlanna a buatsaih tawh a, mi 283 ten June ni 4, 2022- khan written exam hmachhawnin, a titha mi 80 te chu June ni 29-30, 2022 khan Personal Interview neihpui an ni.  MYC in Written leh Personal interview atanga a ti tha a thlanchhuah mi 40 te chu nimin briefing neihpuiin hemi hnu hian Counselling neih chhunzawm nghal a ni a. New Delhi Centre atangin heng Candidates te hi Online-in Counselling neihpui an ni.

MYC Chairman Dr. Vanlaltanpuia  chuan zirlaite awmna  hmun tur sawi zauna zirlaite hnenah a nei a, Mizoram thalaite leh Mizoram ang pawh a kan harsatna chu IAS  kan tling thei lo hi a ni a, a tha nat thlak ka ti hle mai a, tunlai khawvel material hmuh awlsam tawh em em naah hian engatinge IAS hi kan tlin theih loh,tumna tak tak kan neih loh vang a ni em? ati a


Nangni ho in lo lang hi ka lawm em em mai a.. Nangni inhlawhtlin theihna tur anih phawt chuan, social media leh thildangah tawrh angaihna tur thil pawh awm rawh se... In hlawhtlin theihna tur anih phawt chuan kanlo tuar zel anga.. Nangniin theihtawp inchhuah ve thung dawn nia " a ti bawk.


Thlanchhuah mi 40 te hi tun thla chhungin Coaching Centre tha, VISION IAS, ALS leh VAJIRAM & RAVI-ah te Coaching kal tur a Delhi-a thawn hman tum an ni ang.  MYC chuan mi 40 te hi Agreement Bond sign pui an ni dawn a, hetah hian an awm dan in a zir loh chuan an senso rulh let leh tur chungchang bakah UPSC Prelims vawi 2 an hmachhawn hma chu Central leh State Sawrkar leh Commission/Board hnuaia hna dil te phal anih loh tur thu te chiang taka tarlan a ni bawk.

Attachment

  • Loading attachment...