Kum 2001 khan Indian System of Medicine & Homoeopathy (ISM&H) tih hming puin Mizoramah Central Sorkar-a MInistry of Health & Family Welfare puihnain a din tan a, kum 2003 khan ISM&H tih chu Department of AYUSH tihin thlak a ni. Mizorama a din tirh atangin tun thlengin Directorate of Health Services hnuaiah Director (AYUSH) leh Nodal Officer(AYUSH) enkawlna hnuaiah a awm mek a, tunah hian Directorate of Health Services hnuaiah hian office, section khat anga awmin Programme Executive(AYUSH) Dr.C.Lallunghnema, BHMS in a kaihruai mek a ni.
AYUSH tih awmzia tak chu Ayurveda, Yoga & Unani, Siddha leh Homoeopathy a ni a. AYUSH-in a tum ber chu ramhmul damdawi India ram leh Mizoram hmun tam taka awm, mihring tana damdawi tha tak ni si te tangkai taka hman a ni a. AYUSH damdawite hi natna benvawn, nu leh naupang enkawlna tha, him leh rintlak tak a ni. Natna chi tinreng a enkawl theih a, a man a tlawmin ei awl leh ei nuam tak a ni. AYUSH damdawite hi AYUSH OPD tinah mipui ten awlsam taka an hman theih turin a thlawn vekin damlo mamawh ang zela sem thin a ni.
Mizoram-ah hian AYUSH OPD/Clinic hi kum 2007 atang khan District 8-ah leh CHC 3 (Saitual, Tlabung leh Chawngte) ah din tan a ni a. Heng enkawlna tur hian kum 2007 khan Bational Rural health Mission hnuaiah contract basis-in AYUSH doctor 10 (Homoeopathy 9 leh Ayurvedic 1) lak an ni a, kum 2008 khan Mizoram state hnuaiah contract basis tho in AYUSH Doctor 10 (Homoeopathy 9 leh Ayurvedic 1) lak belh an ni bawk. Tun dinhmunah chuan AYUSH Sector, Mizoramah hian AYUSH Doctor 21, Ayurvedic 2 leh Homoeopathic 19 an awm mek a ni.
Kum 2009 atang khan AYUSH hospital khum 10 awmna District 7-ah sak tan a ni a, tunah hian a tam zawk chu sak zawh tawh a ni. Aizawl bikah chuan AYUSH OPD chu kum 2009 atang khan sak tan niin, tunah hian la zawh fel chiah loh a ni. Heti chung hian a remchan dan ang angin AYUSH OPD/Clinic, Aizawl chu hmun zau zawk a mamawh avangin Aizawl Civil Hospital OPD Building chhawng hnuai ber chu luah tan a ni.
AYUSH Department, Mizoram hnuaiah hian Mizoram State Drug Testing Laboratory (DTL) for Quality Control of Ayurveda, Siddha, Unani and Homoeopathic Drugs hi Central Sorkar tanpuinain kum 2006 khan Central Medical Store, Zemabawk building chhawng chung berah din a ni. He DTL hi Ayurvedic, Siddha, Unani, HOmoeopathic damdawi leh ramhmul damdawi lam chi reng reng test-na atana tih a ni. Tunah hian Scientific Officer 4, Lab. technician/Analyst 2 leh IV Grade 2 ten an enkawl mek a ni.
Mizoram-ah hian AYUSH OPD/Clinic hi kum 2007 atang khan District 8-ah leh CHC 3 (Saitual, Tlabung leh Chawngte) ah din tan a ni a. Heng enkawlna tur hian kum 2007 khan Bational Rural health Mission hnuaiah contract basis-in AYUSH doctor 10 (Homoeopathy 9 leh Ayurvedic 1) lak an ni a, kum 2008 khan Mizoram state hnuaiah contract basis tho in AYUSH Doctor 10 (Homoeopathy 9 leh Ayurvedic 1) lak belh an ni bawk. Tun dinhmunah chuan AYUSH Sector, Mizoramah hian AYUSH Doctor 21, Ayurvedic 2 leh Homoeopathic 19 an awm mek a ni.
Kum 2009 atang khan AYUSH hospital khum 10 awmna District 7-ah sak tan a ni a, tunah hian a tam zawk chu sak zawh tawh a ni. Aizawl bikah chuan AYUSH OPD chu kum 2009 atang khan sak tan niin, tunah hian la zawh fel chiah loh a ni. Heti chung hian a remchan dan ang angin AYUSH OPD/Clinic, Aizawl chu hmun zau zawk a mamawh avangin Aizawl Civil Hospital OPD Building chhawng hnuai ber chu luah tan a ni.
AYUSH Department, Mizoram hnuaiah hian Mizoram State Drug Testing Laboratory (DTL) for Quality Control of Ayurveda, Siddha, Unani and Homoeopathic Drugs hi Central Sorkar tanpuinain kum 2006 khan Central Medical Store, Zemabawk building chhawng chung berah din a ni. He DTL hi Ayurvedic, Siddha, Unani, HOmoeopathic damdawi leh ramhmul damdawi lam chi reng reng test-na atana tih a ni. Tunah hian Scientific Officer 4, Lab. technician/Analyst 2 leh IV Grade 2 ten an enkawl mek a ni.
