Mizoram chanchina thil thleng lawmawm hmasa ber pakhat mit tha lote hnena mit thar pek (Corneal Transplant) chu vawiin khan Aizawl Civil Hopital-ah phailam doctor thiam hmangin hlawhtling taka tih a ni ve ta. Vawiin September 25 hi rampumah Special Drive on Eye Donation ni atana ruat a ni a, he ni hi India Prime Minister hlui Rajiv Gandhi leh a nupui Sonia Gandhi te chuan phal taka an mit an lo hlanna ni niin hemi ni chiaha Mizorama hlawhtlinna ropui tak a thleng chu thil chhinchhiah tlak tak a tling a ni. Vawiin mit thar vuahsak tak te hi 1). Pu K.Zathanga, 71, Electric Veng leh 2). Lalrinsangi, 23, Chaltlang te an ni a; an tana mit hlantu hi nimin chawhmaa boral ta Hmingthankima, 31, Samthang khua a ni.
He Ni pawimawh tak puala ‘Seminar on Special Drive for Eye Donation’ Aizawl Civil Hopistal Auditorium-a buatsaih chu Health Minister Lalrinliana Sailo-in a hmanpui a, vawiina thil thleng chungah doctor leh thawktu dangte hnenah lawmthu a sawi a ni. Health Minister hmasain Eye Bank bul a lo tan chu vawiinah a taka hmuh theih a nih avangin a lawmthu a sawi a, he department hi hnungtawlh zawnga kal lova, chak taka hmalam panpui turin theihtawp a chhuah tur thu leh chumi kawngah chuan mipuite tawiawmna a ngen nghal a ni. Mizo nunna tam ber suattu Cancer leh Malaria bakah HIV/AIDS do kawngah phei chuan theihtawp chhuah a tul tak zet thu Minister hian a tarlang.
Eye Donation Seminar-ah hian Eye Donation chungchanga hriattur pawimawh tlangpui Civil Hospital-a Eye Department Head Dr.K.L.Remsanga chuan kalkhawmte a hrilhfiah a. Vawiina mit thlaktu ber Dr.Kalyan Das, MS, DNB, Consultant Cornea, Cataract, Refractive Surgery, Sri Sankara Deva Netralaya Eye Bank, Guwahati atanga lo kal pawhin mit thlak dan hautak leh fimkhur a tul dante a lem nen a entir a ni.
Tun dinhmunah hian India rampumah mit thlak mamawh mi 4,00,000 chuang an awm laiin Eye Bank 80 kaltlangin mitmu 15,000 chauh dawn a ni a. Kumtin mit darthlalang thatloh vanga khawhmu lo mi 25,000 zelin an pung a ni. Mizoramh hian Eye Bank chu 31st July, 2008 khan Aizawl Civil hospital-ah hawn a ni a, mit pe tura inziak lut mi 106 leh mit mamawh mi 31 an inziak lut tawh a ni.
Mit darthlalang tha lo thlak (corneal transplant) nan hian mihring mit chauh hman theih a ni a, ran mit emaw synthetic cornea a hman thei miah lo a ni. Mi an thih atanga darkar 6 chhungin a mit sawngbawl ngei ngei tur a ni a; mit pe tura inpe tawh emaw chhungte remtihnain emaw ruang hlawmloh atangin mit hi dawn emaw pek thei a ni.
Mit pual (Corneal Blindness) hi tunah chuan kan state khawpui Aizawl Civil Hospital-ah mit darthlalang (Cornea) hi thlak theih a ni tawh a. Chumi atan chuan mi tlawmngai leh thahnemngaite chuan an thih huna miten mit tha an neih theih nan an mit donate turin Eye Bank, Civil Hospital, Aizawl-ah an inziak lut a, Eye Donor Card an nei fur tawh a ni.
Mite tana malsawmna kan dam chhungin kan ni lo a nih pawhin kan mit kan donate chuan kan thih hnu thlengin mite tana malsawmna kan nei thei a ni. I mit donate la, mitdel ten he khawvel eng mawi tak hi an lo hmu ve thei dawn a ni.
Midangin khua an lo hmuh ve theih nan
I MIT PE RAWH
Eye Donation Seminar-ah hian Eye Donation chungchanga hriattur pawimawh tlangpui Civil Hospital-a Eye Department Head Dr.K.L.Remsanga chuan kalkhawmte a hrilhfiah a. Vawiina mit thlaktu ber Dr.Kalyan Das, MS, DNB, Consultant Cornea, Cataract, Refractive Surgery, Sri Sankara Deva Netralaya Eye Bank, Guwahati atanga lo kal pawhin mit thlak dan hautak leh fimkhur a tul dante a lem nen a entir a ni.
Tun dinhmunah hian India rampumah mit thlak mamawh mi 4,00,000 chuang an awm laiin Eye Bank 80 kaltlangin mitmu 15,000 chauh dawn a ni a. Kumtin mit darthlalang thatloh vanga khawhmu lo mi 25,000 zelin an pung a ni. Mizoramh hian Eye Bank chu 31st July, 2008 khan Aizawl Civil hospital-ah hawn a ni a, mit pe tura inziak lut mi 106 leh mit mamawh mi 31 an inziak lut tawh a ni.
Mit darthlalang tha lo thlak (corneal transplant) nan hian mihring mit chauh hman theih a ni a, ran mit emaw synthetic cornea a hman thei miah lo a ni. Mi an thih atanga darkar 6 chhungin a mit sawngbawl ngei ngei tur a ni a; mit pe tura inpe tawh emaw chhungte remtihnain emaw ruang hlawmloh atangin mit hi dawn emaw pek thei a ni.
Mit pual (Corneal Blindness) hi tunah chuan kan state khawpui Aizawl Civil Hospital-ah mit darthlalang (Cornea) hi thlak theih a ni tawh a. Chumi atan chuan mi tlawmngai leh thahnemngaite chuan an thih huna miten mit tha an neih theih nan an mit donate turin Eye Bank, Civil Hospital, Aizawl-ah an inziak lut a, Eye Donor Card an nei fur tawh a ni.
Mite tana malsawmna kan dam chhungin kan ni lo a nih pawhin kan mit kan donate chuan kan thih hnu thlengin mite tana malsawmna kan nei thei a ni. I mit donate la, mitdel ten he khawvel eng mawi tak hi an lo hmu ve thei dawn a ni.
Midangin khua an lo hmuh ve theih nan
I MIT PE RAWH
Attachment
- Loading attachment...
