Vawiin khan Mizoram Remote Sensing Application Centre (MIRSAC), Science & Technology buatsaih Mizorama Mautam chungchang, Remote Sensing leh Geographic Information System (GIS) hmanga an zirchianna lehkhabu chu Pu Lalsawta, Principal Secretary, Planning Department & Chairman, MIRSAC chuan MIRSAC Conference Room, Chaltlang-ah a tlangzarh.
Pu Lalsawta chuan Mizoramin mautam hi kum 48 dan zelah a thleng ziah dawn a, Mizorama kan mau hmun awm zat leh mautamna hmun zau zawngte Remote Sensing hmanga chhut chhuah a ni leh a map nen chiang taka tarlan a ni hi lawmawm a tih thu a sawi a. Hetianga MIRSAC-in Science thiamna hmanga an zirchianna hi hun lo kal zel tura inbuatsaih nan a tangkai dawn mai bakah Mizoram tan pawh hmasawnna pawimawh tak a ni, a ti.
He Report Bu tlangzarhna inkhawm kaihruaitu MIRSAC Project Director Dr. R.K.Lallianthanga chuan mautam zirchianna project-ah hian NE-SAC-in an puih thu a sawi a. Remote Sensing leh GIS hmangin project hrang hrang Mizoram tana tangkai tak tak tur an neih mek thu a sawi bawk.
Pu Robert L.Sailo, Scientist, MIRSAC-in report a peka lan danin Mizoramah kum 2005 khan mau hmun hi 5697.29 Sq.km. a zau a awm a, Mamit District-ah mau a tam ber a, za zela 27.02% a awm laiin Champhai District-ah za zela 4.16% awmin a tlem ber thung a. Kum 2005 khan Mizoramah mau a tam tan a, hemi kuma mau tamna hmun zau zawng chu 362.59 sq.km. a ni a, chu chu za zela 6.05% a ni a. Kum 2008 April thla thlenga mautam zau zawng chu 3312.61 sq.km. a ni a, hemi kuma mau hmun awm zat atanga tehin za zel 56.88% a tam thung a. Kum 2005 atanga 2008 April thla thlenga mautam hmun zau zawng chu 3675.2 sq.km. a ni a, chu chu mau awm zat atanga tehin za zela 64.5% a tling a ni. April 2008 hnulamah pawh mau tam hi a awm belh zel avangin mau tam zat hi za zela 80% tling ngei tura ngaih a ni.
Mautam zirchianna report hi Dr F.Lalnunmawia, Associate Professor, Mizoram University chuan thlirzauna a nei a. He tlangzarhna inkhawmah hian MIRSAC Governing Board Member-te bakah helama tui mite leh MIRSAC Scientist-te an tel a ni.
He Report Bu tlangzarhna inkhawm kaihruaitu MIRSAC Project Director Dr. R.K.Lallianthanga chuan mautam zirchianna project-ah hian NE-SAC-in an puih thu a sawi a. Remote Sensing leh GIS hmangin project hrang hrang Mizoram tana tangkai tak tak tur an neih mek thu a sawi bawk.
Pu Robert L.Sailo, Scientist, MIRSAC-in report a peka lan danin Mizoramah kum 2005 khan mau hmun hi 5697.29 Sq.km. a zau a awm a, Mamit District-ah mau a tam ber a, za zela 27.02% a awm laiin Champhai District-ah za zela 4.16% awmin a tlem ber thung a. Kum 2005 khan Mizoramah mau a tam tan a, hemi kuma mau tamna hmun zau zawng chu 362.59 sq.km. a ni a, chu chu za zela 6.05% a ni a. Kum 2008 April thla thlenga mautam zau zawng chu 3312.61 sq.km. a ni a, hemi kuma mau hmun awm zat atanga tehin za zel 56.88% a tam thung a. Kum 2005 atanga 2008 April thla thlenga mautam hmun zau zawng chu 3675.2 sq.km. a ni a, chu chu mau awm zat atanga tehin za zela 64.5% a tling a ni. April 2008 hnulamah pawh mau tam hi a awm belh zel avangin mau tam zat hi za zela 80% tling ngei tura ngaih a ni.
Mautam zirchianna report hi Dr F.Lalnunmawia, Associate Professor, Mizoram University chuan thlirzauna a nei a. He tlangzarhna inkhawmah hian MIRSAC Governing Board Member-te bakah helama tui mite leh MIRSAC Scientist-te an tel a ni.
