Vawiin chhun khan J. Thankima College, Bawngkawn chuan an college kawtah college week closing function an hmang a, Assembly Speaker Pu R.Romawia chuan khuallian niin a hmanpui.
Speaker chuan Zoramin ram pawna thawnchhuah tur thil hlu kan neih chhun chu "thiamna" hi a nih thu sawiin zirlaite chu an zirlaiah ram leh hnam hmangaih tak takna thinlung nen zir turin a chah a, Quantity Education ah chuan rual kan awt tawh lova, Quality Educationah erawh chuan kan la rualawt hle ani tiin College zirlai leh zirtirtu kalkhawmte chu rampawna thawn chhuah tlak thiamna chhenfakawm "Export Quality Education" nei thei tura tan la turin a chah a ni.
Speaker chuan Mizoten kan harsatna tawh lian tak tak ni a a hriat sawiin kan thil ngaihhlut zawng (value system) leh eizawnna kawngah kan tarmit vuah kan thlak a tul ani a ti a, Mizote hi mi pakhat ni si mi pathum angin kan lang a hmai thum kan nei a ni a ti a, tuna kan rilru puthmangah chuan Sawrkar lakah kutdawh thinlung, Kohhranah petu thinlung leh Khawtlang (YMA etc.) ah puitu thinlung kan pu a, hei hi kan thlak a tulin Sorkarah pawh thilphut ngawt lovin puitu thinlung leh petu thinlung put ve a hun tawh a, Sawrkar, Kohhran leh Khawtlang Tlawmngai Pawl lakah rilru hmunkhat theuh kan put a hun tawh a ni a ti bawk.
Speaker chuan zirlaite chu sum leh pai ngainatna sual laka fihlim tura chahin, hna zahawm thawk tura rilru siam thar turin a chah a, a sang emaw a hniam emaw pawh ni se khawtlang leh ram mipuiten hna zahawm leh thianghlim ni a an ngaih hi chu hna iaiawm a awm lo va, mahni hna apiang diktak leh rinawm taka thawktu chuan a hna kha hna zahawmah a siam mai thin a ni a ti bawk. Hei bakah hian zirlaite chu an zirlai tibahlah khawpa kohhran leh khawtlanga inhmang lo tura chahin, mithiam leh rawn tlak taka an inchher chuah phawt chuan hun lo kal zel turah kohhran leh khawtlang mai bakah ram tan pawh an chhenfakawm zawk dawn ani a ti bawk.
A thusawi zawh hian Speaker chuan College Week chhunga infiamna chi hrang hranga tithate lawmman a sem nghal bawk a ni.
Government J.Thankima College hi kum 1992 khan din niin hemi kuma din ve tho Lalhmingthanga College, Durtlang nen kum 2002 khan chhunfina Deficit a hlankai nghal a ni a, kum 2007 khan Provincialised a ni, tunah hian Bawngkawnah awmin kum 2007 khan UGC hnuaia College hrang hrang endiktu NAAC chuan C++ status a pe bawk. Kum 2007 vek hian MZU hnuaiah Permanent Affiliation a hmu a tun dinhmunah chuan Arts zirna College niin Department paruk (English, Mizo, Political Science, History, Economics leh Education) a awm a, zirtirtu 28 awmin zirlai 409 an nei mek bawk. Heng bakah hian NSS Unit leh Red Ribbon Club (MSACS nen tangkawpin) an awm a, kum 2010-2011 atang hian Vocational Course on Entrepreneurship an tan bakah UGC Coaching Centre an hawng tel mek bawk a ni.
College Week hi August ni 13 atanga September ni 3 thleng neih a ni a, zirlaite hi House hrang hrang pali ah in thenin infiamna chi hrang hrang hmangin an inel a ni.
Speaker chuan Mizoten kan harsatna tawh lian tak tak ni a a hriat sawiin kan thil ngaihhlut zawng (value system) leh eizawnna kawngah kan tarmit vuah kan thlak a tul ani a ti a, Mizote hi mi pakhat ni si mi pathum angin kan lang a hmai thum kan nei a ni a ti a, tuna kan rilru puthmangah chuan Sawrkar lakah kutdawh thinlung, Kohhranah petu thinlung leh Khawtlang (YMA etc.) ah puitu thinlung kan pu a, hei hi kan thlak a tulin Sorkarah pawh thilphut ngawt lovin puitu thinlung leh petu thinlung put ve a hun tawh a, Sawrkar, Kohhran leh Khawtlang Tlawmngai Pawl lakah rilru hmunkhat theuh kan put a hun tawh a ni a ti bawk.
Speaker chuan zirlaite chu sum leh pai ngainatna sual laka fihlim tura chahin, hna zahawm thawk tura rilru siam thar turin a chah a, a sang emaw a hniam emaw pawh ni se khawtlang leh ram mipuiten hna zahawm leh thianghlim ni a an ngaih hi chu hna iaiawm a awm lo va, mahni hna apiang diktak leh rinawm taka thawktu chuan a hna kha hna zahawmah a siam mai thin a ni a ti bawk. Hei bakah hian zirlaite chu an zirlai tibahlah khawpa kohhran leh khawtlanga inhmang lo tura chahin, mithiam leh rawn tlak taka an inchher chuah phawt chuan hun lo kal zel turah kohhran leh khawtlang mai bakah ram tan pawh an chhenfakawm zawk dawn ani a ti bawk.
A thusawi zawh hian Speaker chuan College Week chhunga infiamna chi hrang hranga tithate lawmman a sem nghal bawk a ni.
Government J.Thankima College hi kum 1992 khan din niin hemi kuma din ve tho Lalhmingthanga College, Durtlang nen kum 2002 khan chhunfina Deficit a hlankai nghal a ni a, kum 2007 khan Provincialised a ni, tunah hian Bawngkawnah awmin kum 2007 khan UGC hnuaia College hrang hrang endiktu NAAC chuan C++ status a pe bawk. Kum 2007 vek hian MZU hnuaiah Permanent Affiliation a hmu a tun dinhmunah chuan Arts zirna College niin Department paruk (English, Mizo, Political Science, History, Economics leh Education) a awm a, zirtirtu 28 awmin zirlai 409 an nei mek bawk. Heng bakah hian NSS Unit leh Red Ribbon Club (MSACS nen tangkawpin) an awm a, kum 2010-2011 atang hian Vocational Course on Entrepreneurship an tan bakah UGC Coaching Centre an hawng tel mek bawk a ni.
College Week hi August ni 13 atanga September ni 3 thleng neih a ni a, zirlaite hi House hrang hrang pali ah in thenin infiamna chi hrang hrang hmangin an inel a ni.
Attachment
- Loading attachment...
