Mizoram Journalists’ Association (MJA) member te tana ni 4 chhung ( 4 - 7 December, 2012) awh tur Press Tour, 26 Assam Rifles in an buatsaih chu tukin zing khan Pu Vanlalrema Vantawl, Vice President MJA leh Col. Gaurav Chaturvedi, Commandant 26 Assam Rifles ten Volleyball Ground, 26 Assam Rifles atangin an vailiam. Vawiina Press Tour-a kalte hi MJA President Pu C. Lalrambuatsaiha hovin mi 9 an ni a, Champhai atangin MJA member thenkhat te an zawm leh bawk ang. Press Tour kaltlang hian Champhai leh Khawbung chheh velah Hnahlan, Zokhawthar, Rih Dil, Farkawn leh hmun dangte an tlawh ang.

Aizawl atanga tukin zing a kal te chu – Pu C. Lalrambuatsaiha, MJA President leh Editor, Aiawl Post ni bawk; Pu L. T. Sanga Editor, Morning Post; Pu Robert Lalchhuana, Ex-President, MJA leh Editor, Romei ni bawk; Pu S. R. Rothuama, News Editor, Hriatna; Pu F. C. Vanlalzawna, Editor, Chhawkhlei Times, Sangau; Pu Lalnunkima Pisa, News Editor, H. S. Vision, Saiha; Pu Lalhriatpuia, Editor, Students Outlook leh Pu K. Zothankhuma, Editor, Virthli te an ni.