2846/2026-2027

Dated Serchhip, the 27th October 2026: Vawiin khan Mizoram Journalists' Association (MJA), Serchhip District chuan an member-te tan Artificial Intelligence (AI) chungchang zirna a buatsaih a, Serchhip District Deputy Commissioner Pu Paul L. Khuma'n a hmanpui.

Bawrhsap pu Paul L. Khuma chuan Serchhip District MJA-ten AI chungchang training buatsaihna chang an hria chu changkang a tih thu sawiin, thil dangah pawh hetianga hma sawnna thil tha hi ûm zel turin a chah a, khawvel changkanna mil zela finna pawh kan lakluh ve zel a ngai tih sawiin, intuai thar zel turin MJA member te chu a chah a ni.

He hun hmanpuitu DIPRO Pu R.Vanneihtluanga pawhin thu sawiin, media mite chu democracy innghahna lungphum, mipuite hriatna kawnga thuam chaktute an nih thu a sawi a; huaisenna leh dikna nena hna thawk a, thu dik leh rintlak theh darh kawnga tan la zui zel turin MJA member-te chu duhsakna a hlân bawk a ni.

He hunah hian resource person atan Adam Saprinsanga, Editor, The Frontier Despatch hman a ni a, chanchinthar buatsaih nana AI leh online-a hmanraw dang hrang hrang hman dan te, AI rindan chintawk neih thiam dante leh tunlai technology mila hnathawh theih dan hrang hrang a zirtir a, zawhna leh chhanna hun hman a ni. 

Vawiin hun hmannaah hian Serchhip District MJA member te bakah, resource person ṭawiawmtute an tel a ni