965/2022-2023
Aizawl, the 20th June 2022: Mizoram Journalist Welfare Society Governing Board chu an Pi HM Hualsangi, I&PR Secretary, MJWS Governing Board Chairman ni bawk hovin a Office Chamber MINECO ah an thukhawm a. District hrang hrang atanga Mizoram Journalist Welfare Scheme(MJWS) hnuaia tanpui dilna lut te thlir hovin mi 14 hnenah damdawia inenkawlna senso tanpuina tur tihfel a ni.

Mizoram Journalist Welfare Society hi kum 2007-2008 khan din tan niin MJA member leh an chhungte thihna leh damlohna khirh bik tuar te hnenah ralna leh chhawmdawlna an pe thin a ni. Mizoram Journalist Welfare Society ah hian I&PR Secretary chu chairman a ni a, I&PR Director chu member secretary niin Prof. F.Lalnunmawia, MLA Aizawl South III, Finance Department aiawh, Civil Hospital Aizawl Medical Superintendent aiawh, MJA elected Office Bearers 3 te chu member an ni.