Election Commission of India chuan thuchhuah siamin 12-Aizawl North -III Assembly Constituency bye-election chu November 21 (Inrinni)-ah neih a ni dawn.

ECI chuan Mizoram bakah State dang pali - Jharkhand, Madhya Pradesh, Manipur leh Meghalaya-ah te Legislative Assembly bye-election neih a nih tur thu leh State pahnih - Madhya Pradesh leh Telangana ah Member of Parliament (Lok Sabha) inthlan neih a nih tur thu a puang nghal a. Hemi chungchanga Gazette Notification hi 28.10.2015 ah tichhuah tur niin 4.11.2015 chu inthlan chuh tumte hming pek luh hun hnuhnung a ni ang a. Candidate inhnukdawk duhte tan 7.11.2015 thleng hun pek an ni ang. Vote thlak ni hi 21.11.2015 niin Vote chhiar ni chu 24.11.2015 a ni ang.

Inthlan puan ni 21.10.2015 atang khan Model Code of Conduct hman tan nghal a ni a. 26.4.2012 a ECI thuchhuak angin MGNREGA, MPLAD, MLA LAD, MLC LAD Scheme hnuaia project, programme, financial grant leh a dangte bakah tuilian, khawkheng, chhiatrupna lo thlena tanpuina, tui intur thianghlim pek, bore-well laih hna, fodder, farmer-te tana tanpuina pek, defacement of property, campaign-na atana sawrkar thil hman etc. ah hian bye-election neihna tur Assembly Constituency bik chauh a huam a. Minister tour, vehicle, advertisement, sawrkar guest house hman leh thil dangah chuan constituency bik chauh ni lovin inthlanna neihna tur District pumpui a huam thung ang.