Vawiin chawhma khan Serchhip Bawrhsap Pi Juhi Mukherjee, IAS, hovin DC Meeting Room-ah kumin kumtawp a MLA Election lo awm tur atana Serchhip District chhunga Assembly Constituency pathuma “Electronic Voting Machine Resource Person” tura ruat tharte tan Training buatsaih a ni a, Pu Lalhmansanga,MCS, Election Officer-in training hi kaihruaiin zirtirna a pe a ni.

Bawrhsap Pi Juhi Mukherjee chuan Electronic Voting Machine (EVM) chu inthlanna atana hmanraw pawimawh ber anih avangin tihsual palh emaw, hriatsual palh emaw a thianglo a ni a ti a, Resource Person tura ruatte chu EVM hman dan thiam bel tur leh Election Commission of India-in EVM chungchanga hriattirna a tihchhuahte chu ngaihven thuai thin turin leh hrechiang hle thin turin a chah bawk.

Serchhip District chhunga Assembly Constituency pathum (Serchhip, Tuikum leh Hrangturzo) atan hian EVM Resource Person turin mi 9 ruat an ni a, chungte chu :

1. Ngulsangvela,MCS, SDO(C), North Vanlaiphai

2. Robert C. Lalhmangaiha, MCS, SDO(S) & BDO, Serchhip

3. K. Lalhmuakliana, MCS, SDO(C), Thenzawl

4. C. Laltleipuii, MCS, BDO, East Lungdar

5. Vanlalrova, MCS, SDC&ASO, Serchhip

6. K. Zorammuana, MCS, SDC, Serchhip

7. B. Malsawmtluangi, MCS, SDC, Serchhip

8. John Zorammawia, Lecturer, DIET, Serchhip

9. David Zodingliana, A.E., DRDA, Serchhip.