281/2026-2027

Dated Champhai, 24th April 2026: Nilaini (22nd April 2026) khan Champhai North Bialtu MLA Er. H. Ginzalala chuan Indian Institute of Horticultural Research (IIHR), Bengaluru a tlawh a, horticulture lam hmasawnna leh thawh ho theihna chungchangte sawi ho a ni.

He hunah hian, Senior Scientist leh Official-te nen inkawmin Senior Scientist te chuan crop improvement, sustainable farming practice leh horticulture technology thar hmanga an thawh dan an hrilhfiah a. Climate-resilient crops, organic farming leh high-value horticultural produce lam hmasawn theih dan te sawi ho a ni bawk.

MLA Er. H. Ginzalala chuan Mizoramin horticulture sector a hma kan sawn theihna tur te, kuthnathawktuten tun aia awmze nei zawk leh sustainable agricultural lama hma kan sawn theihna tur a theihtawp chhuah a tul thu a sawi a. IIHR-in innovation lama an hnathawh te fakin Mizoram sawrkar leh IIHR inkara thawh hona tih chak te, thiamna tam tak inhlan chhawn a, kan ramah ngei Scientist te lo kala training programme leh technology transfer lamah tha taka thawhpuiah a sawm bawk.

IIHR official-te chuan Mizoram atanga sawrkar lam hotuten an rawn tlawh thei chu an lawm thu leh partnership thar siam a horticulture hmasawnna turah theihtawp chhuahpui an in huam thu an sawi bawk a ni.