769/2025-2026

Dated Hnahthial, the 4th June, 2025: South Tuipui Bialtu MLA, Pu Jeje Lalpekhlua chuan June ni 4 khan tunhnai ruah nasa tak sur avanga Hnahthial khaw chhunga leiminna hmun hrang hrangte chu tlawh kual a. Leimin avanga in thiah ngai, chhiattawkte chu silpauline hlanin khawtlang hruatute hnenah hnatlangte thingpui inna tur pawisa a hlan bawk a ni.

Pu Jeje Lalpekhlua chuan Electric venga Pu Kaphrima leh Pi LP Lallianpuii te in, by-pass kawng chhaka awm, lei min vanga in thiah ngai te; Kanaan venga Pi Rebek Laldinpuii leh Pu Lalduhawma te in, lei tlak hniam vanga thiah ngaite leh Bazar venga lei chet avanga in thiah mek, chhungkaw pasarih sawn chhuah ngaihna hmunte chu a tlawh kual a. Chhiatna tawkte puih nan sawrkar chuan theih ang anga hma a lak mek thu sawiin sawrkar lama officials te nen theihtawp an chhuah thu a sawi a. Khuarel chhiatna vanga tuar tam tak an awm chu pawi a tih thu sawiin puih ngai an awm chuan phak ang tawka pui turin sawrkar chu an inhawn reng thu a sawi a ni.

MLA hi Pu R. Vanlalruata, SDC leh khawtlang hruaituten an tawiawm a ni.