2000/2024-2025

Khawzawl, dated 11th September, 2024: Vawiin zing dar 9:30 am khan Khawzawl Zuchhip Vengah Deputy Govt. Chief Whip leh Tuichang bialtu MLA, Pu W. Chhuanawma'n One Stop Centre (OSC) a hawng a, a hawnna programme-ah khuallian a ni bawk.

He hunah hian MLA Pu W. Chhuanawma chuan thu sawiin Khawzawl district a One Stop Centre hawn thar a ni ta hi ropui a tih thu a sawi a, a buaipuitu te thawh rah a lang chhuak a, a lawmawm em em a ni tih a sawi. Khawzawl district chhunga hmeichhe buaina leh harsatna hrang hrang tawk te'n an tangkai pui a, an taksa leh rilru hriselna a lo that zawk phah ngei a beisei thu a sawi a, hetiang tanpuina mamawh an tlem phah a beisei thu a sawi bawk. One Stop Centre a thawktute zawng zawng theihtawp chhuaha taima taka hna thawk turin a fuih a, Khawzawl district chhunga hmeichhe dinhmun a lo that zawk phah ngei a rin thu a sawi bawk a ni.

He hunah hian MLA Pu W. Chhuanawma hi Khawzawl Deputy Commissioner, Pu K. Vanlalthiana'n a tawiawm a, OSC hotute leh khawtlang hruaituten thu an sawi bawk.

One Stop Centre (OSC) hi Nirbhaya Fund hnuaia Scheme pakhat niin, Mizoram-a a hmasa ber atan October, 2016 khan Aizawl-ah din a ni a. Ministry of Women and Child Development (MWCD) hnuaia hmeichhiate chunga hleilenna eng chi pawh thleng thei laka an lo him zawk nan leh an dinhmun tih changtlunna atana buatsaih project pakhat a ni.