2481/2023-2024

Aizawl 25th October, 2023 : Vawiin khan Auditorium, S&YS Directorate, Mineco-ah Azadi ka Amrit Mahotsav hnuaia Meri Maati Mera Desh (MMMD) Campaign hnuhkharna Mitti Kalash Yatra (Bel Lei Send Off) Programme hman a ni a. Dr. Lalrozama, Secretary, Sports & Youth Services Department, State Nodal Officer ni bawk chu khuallian a ni.

Khuallian chuan vawiin program kan hman mek, India rampum huap program pawimawh tak national importance-a tel zawng zawngte chibai bukin zirlai naupang tel te chu an zirlai nen a inhmeh hle a, an tangkaipui ngei a beisei thu a sawi a. Hun rei tak ramdang awpna hnuaia kan kun hnuah kan ramin zalenna a sualna kawnga hmalatute hrereng turin a chah a. Kan hnam ziarangte chawikan zel a, pawnlam mite tan kan ze tha te lantir zel tur leh kan culture leh traditions te vawnghim zel turin a fuih a ni.

He hunah hian NYK/NSS leh Volunteer te'n Bel Lei Sample an lakkhawm District 11 ami leh Rural Development Block 28, avaiin Sample 39, National Final Program atana ken tur te chu khuallian hian hlanin Kartavya Path, New Delhi a ken turin vailiam a ni. Mizoram atanga Lei lakkhawmte hi India Ram hmun dang 7500 atanga Lei lakkhawm nen Hlum Bel Lian pankha a chhunkhawmin National Amrita Vatika (Necter/Eternal Garden) siam a ni ang.

Vawiin Program-ah hian Meri Maati Mera Desh Campaign report ngaihthlak anih bakah Campaign a titha leh thawhhlawkte bakah department hrang hrang hnenah Certificate hlanna hun neih a ni a. Kalkawmte'n Paanch Pran Pledge sawirualin intiamna an nei bawk a ni. MMMD report pek leh Certificate semna hi Pi Zonunthari, Deputy Secretary, S&YS Department in a kaihruai a. Paanch Pran Pledge, ram leh hnam tana mipuite Intiam tharna hun a hmanpui nghal bawk.

Mitti Kalash Yatra program hi Pu Lalnunhlua, Director, S&YS Department chuan kaihruaiin Pi Jennifer Chawngthu, Deputy Director, SYS Deptt. chuan lawmthu a sawi a ni.