Transport Department ten Motor Vehicles Tax an lak dan chungchangah Mizoram Motor Vehicle Taxation Refinement Demand Co-ordination Committee, tunhnaia pawl ding thar ten motor neitute tan a rip lutuk a ni tiin sawiselna an nei a.

He sawiselna hi Transport Minister leh a thawhpuiten an hria a, sawrkar-in dan a lo siam Tax a lo lak dante hi a tha lo lai te, motor neitute tan pawh a rit lua te pawh a awm thei ang tih ringin he dan lo ennawna lo zir chiang leh turin Study Team a ruat a. Hei hi order-te chhuah tawh niin heng te hi ruat an ni : Chairman : Director, Transport Member Secretary : Jt. Director, MV Transport Member te : 1. Jt. Director, Transport 2. Jt. Director, OP Transport 3. Dy. Director, Account Transport 4. Research Officer, Transport 5. H. Zosangliana, President, MJA 6. Vanlalruata, Gen. Secy., CYMA 7. F. Zakhuma, President, ZDU, Gen. Hqrs. 8. Dalkhena, Prominent Citizen, Ramhlun North 9. R. Lalhunmawia, President, MMVTRDC

He Study Team hian thla thum (3) chhunga report pe ngei tura tih a ni bawk.

Hetianga Department lamin ennawn leh a, a siamthat ngai laite siamtha leh a, tih tur tul zawng zawng an tih lai leh kan School naupang Final Exam neih mek laia Motor Vehicle Bandh siam luih an tum hi sawrkar chuan a hrethiam lo hle a ni.

Motor neitute Aizawl City Bus Owner Association, Zoram Taxi Owner Association leh Zoram Taxi Driver Association ten he Bandh neih tum hi an thlawp loh thu min hriat tir bawk a ni.

Chuvangin, nunphung pangngaia a kal theihna turin a tih tur tul ang ang chu sawrkar-in a ti dawn a. Buaina siam tum tute hi thlah zalen mai an ni lovang. Sorkar hnathawk leh dawrkai, mipui zawng zawngte mahni thil tih tur thulh lova, chhunzawm vek turin ka ngen che u a ni. He bandh siam tumtu MMVTRDC te thulh leh turin tun thleng pawh hian sawrkar chuan a la ngen reng a ni.

Not to be published by print media before 23rd November, 2011