Mahatma Gandhi National Rural Employment Guarantee Programme (MGNREGP) a taka thawk tura mi pawimawh sawrkar officer zoram hmun hrang hrang amite tana training orientation course chu vawiin khan Kolasib-a SIRD Conference Hall-ah R.D. Minister Pu R.Lalzirliana’n a hawng.
Hawnna thu sawiin Pu R.Lalzirliana chuan, MNREGP hi kan ram economic dinhmun hniam tak ata min khaichhuaktu programme tha tak a nih rualin mizote that chhiatna bawiha min hruai luttu a ni ang tih ka hlau hle a ni, a ti a. Officer te chu dan leh kaihhruaina te bel taka zir thiam tur leh mipui rinkai turin a chah a, a theih ang anga a hmuna kala mipui hnathawh pawh endik thin turin a hrilh a. Tunah phei chuan RTI dan hmangin engkim kanin zawt chhuak thei tawh a. chuvangin fimkhur leh dik taka hna thawh a tul a ni, a ti a ni.
Minister chuan, plan & estimate hi sum sanction nan chauh nilovin khawtlang tana hnemhnanpui tham a ni tur a ni, a ti a. Project tha tak siama hna thawh a tul fo laiin central sawrkar DONE ministry leh NEC atang te a sum hailuh pawh a hna tih puitlin a awm siloh chuan hlemhletna-a min hruai luttu an chang thei a ni, tiin, hei hi kan society tan a pawi tih pawh kan hriat a hun ta a ni, Pu Zira chuan a ti a ni. BDO/SDO leh APO te chu dik taka thawk tura chahin anmahni level-a chingfel tur thubuai hlabuai a awm a, huaisen taka chingfel thin turin a chah a. Diklo taka thil tite sorkarin a hriat chuan an chunga dan lekkawh an hreh dawn loh thu a sawi a ni.
Pu Lalramnghaka, Director SIRD chuan training hawnna hi kaihruaiin SIRD in programme pawimawh tak zoram tana hman nghal tur a buatsaih thin thu leh R.D Minister in a hmanpui thei chu lawmthu a hrilh a. Chawhnu atangin training hi neih nghal a niin Pi Margaret Lalbiakthangi, Care Faculty Member ten subject thlan bik hrang hrangah training an pe a ni.
Minister chuan, plan & estimate hi sum sanction nan chauh nilovin khawtlang tana hnemhnanpui tham a ni tur a ni, a ti a. Project tha tak siama hna thawh a tul fo laiin central sawrkar DONE ministry leh NEC atang te a sum hailuh pawh a hna tih puitlin a awm siloh chuan hlemhletna-a min hruai luttu an chang thei a ni, tiin, hei hi kan society tan a pawi tih pawh kan hriat a hun ta a ni, Pu Zira chuan a ti a ni. BDO/SDO leh APO te chu dik taka thawk tura chahin anmahni level-a chingfel tur thubuai hlabuai a awm a, huaisen taka chingfel thin turin a chah a. Diklo taka thil tite sorkarin a hriat chuan an chunga dan lekkawh an hreh dawn loh thu a sawi a ni.
Pu Lalramnghaka, Director SIRD chuan training hawnna hi kaihruaiin SIRD in programme pawimawh tak zoram tana hman nghal tur a buatsaih thin thu leh R.D Minister in a hmanpui thei chu lawmthu a hrilh a. Chawhnu atangin training hi neih nghal a niin Pi Margaret Lalbiakthangi, Care Faculty Member ten subject thlan bik hrang hrangah training an pe a ni.
