Vawiin khan Aizawl D.C. Pu C. Thanchhuma hovin ama pisaah Disaster Management Department leh hemi lama inkaihhnawih department hrang hrang aiawhte chu inhmukhawmin thla leha Mock Drill neih dan tur chungchang an sawiho. He meeting-ah hian Disaster Management Department thawhpui UNDP aiawhin Pu Dominic Lalhmangaiha, Concusltant leh Nl. Zoenmawii te pawh an tel.
National Disaster Management Authority (NDMA) duh danin February ni 17, 2009 khian Mock Drill neih tur a ni a, hemi hma hian Pre-Mock Drill lo buatsaih turin state sorkar a hriattir bawk a ni. High School Field-a neih tur Pre-Mock Drill leh Mock Drill hunah hian NDMA Vice-Chairman leh hotu dangte pawh rawn tel tura beisei an ni.
Aizawl D.C. chuan Mock Drill emaw chhiatrupna lo thleng tak tak a nih pawhin a buaipuina senso zawng zawng chu NDMA rawn tum vek tur a nih thu sawiin Mizoram chu chhiatrupna thleng thei reng dinhmunah ding a nih avangin mock drill-a inkaihhnawih tur department zawng zawng te chu rilru leh tih tak zeta an chanpual theuh ti turin a fuih bawk.
Pre-Mock Drill / Mock Drill neih dan tur chipchiar taka plan lo siam turin vawiin khan Sub-Committee siam nghal a ni a, he Sub-Committee hi kar leh chawhma lamah inhmukhawm turin D.C. in a hrilh nghal bawk a ni.
Aizawl D.C. chuan Mock Drill emaw chhiatrupna lo thleng tak tak a nih pawhin a buaipuina senso zawng zawng chu NDMA rawn tum vek tur a nih thu sawiin Mizoram chu chhiatrupna thleng thei reng dinhmunah ding a nih avangin mock drill-a inkaihhnawih tur department zawng zawng te chu rilru leh tih tak zeta an chanpual theuh ti turin a fuih bawk.
Pre-Mock Drill / Mock Drill neih dan tur chipchiar taka plan lo siam turin vawiin khan Sub-Committee siam nghal a ni a, he Sub-Committee hi kar leh chawhma lamah inhmukhawm turin D.C. in a hrilh nghal bawk a ni.
