Vawiin khan Lunglei HPC Vice-Chairman Pu.S.Laldingliana hovin Tawipui ‘N’II leh Thualthu khuaah te Integrated Watershed Management Programme (IWMP) Lunglei-I Project hnathawh endik a ni a. HPC Vice Chiamran hi Lunglei BDO Dr.Malsawmtluanga Fanchun-in tawiawm in heng khua 2-ah IWMP hnuaia beneficiaries-te hnenah tanpuina sum sem a ni.

IWMP beneficiaries-te fuihna thu sawiin Pu S.Laldingliana chuan sorkarin mipuite tan hamthatna tur a ngaihtuah sak reng a, tanpuina sem theih ang angte pawh sem zel a ni a, IWMP phei chu khaw tam takin an awh laiin Tawipui ‘N’II leh Thualthu khua ten an chang thei hi a vanneihthlak takzet a ni, a ti a. IWMP hmalaknaah hian Tawipui ‘N’II leh Thualthu khuate chu hmundangte hriat leh entawntlak khawpin thawk turin a chah a. State sorkar pawhin miharsa zawk leh rahbi tleu tawhte hmangaih takin NLUP a ruahman sak a, sorkar atanga malsawmna tam tak an dawn chu rinawmna leh taimakna nena an chhanlet chu beneficiaries ten an bat a ni, a ti.

Tawipui ‘N’II-ah hian beneficiaries 45 awmin WRC-3, Pineapple Planting-5, Banana Planting-7, mango Planting-3, Limbu Planting-9, Orange Planting-3, Poultry-8, Piggery-4 leh Self-hep group-4 an ni a; a vai belkhawmin Rs,1,72,000/- sem a ni a. Thualthu-ah beneficiaries 33 awmin Pineapple Planting-4, Cow Rearing-1, Tea Stall-2, Poultry-7, Piggery-6, Petty Trade-1, WRC-5, Mango Planting-3 leh Self-Help Group-4 an ni a; a zavaiin Rs.1,91,000/- sem a ni.