No.7188/2020-2021

Tukin zing dar 7:00am khan Dr. K. Beichhua, Hon'ble Minister i/c SWD, AH&Vety chuan  Siaha khawpui chhunga Internal Road  thuamthat hna PWD,Siaha Division hnathawh mek te tlawh pahin; kawng zim zual lai tihzauh dan tur te an enkual nghal.

Minister chuan "TA SE"  ti a,  duhthusam hman kan ni tawh lo, a bawha kan bawhzui rawk rawk a ngai tawh a ni. Siaha Town internal Road zim zual lai  tizau tur pawhin kan bawhzui rawk rawk  ang. Sawrkarah kawngpui tihzauna tur fund kan dilchhuak thei lo a ni pawhin, kan MLA Fund leh Siaha town mipui tangrualin, kan Job Card  atang talin tihdan kan ngaihtuah  dawn a ni, a ti.

Tukin zing Internal Road Inspection neih lai hian Minister chuan  a In hmun,Hospital to  Circuit  House kalkawng kual lai taka awm chu, PWD  hotute hnenah  kawngkual lai tizau turin an duh chen chen lai zau turin a hrilh hlawm bawk a ni.

Minister chuan  Kawng zim zual lai tizau tura Private ram lai hek deuh ngai te  chu, a neitu te hnena ngenna siam turin Joint VC te a hrilh a, Sawrkar ram  erawh amahin a buaipui vek thung dawn a ni.

Minister hi  MDC, Joint VC leh MJA te bakah,DC, SP  leh Head of Office dang ten an tawiawm a ni.



Attachment

  • Loading attachment...