Tukin zingkarah khan MoS Dr.K.Beichhua chuan Siaha khawpui chhunga kawngpui PWD, EE office, Siaha Division ten Internal Road an thuamthat leh an Black-Topped tawh te leh Black Topping mek  te zawhchhuakin a enfiah hlawm a. Internal Road Black Top hna hi a tam zawk thawh zawh tawh a ni a, hna hi la kalpui mek reng a ni a. Kumin Chung hian Siaha khawpui chhunga PWD te chan bik internal Road chu Black top hman vek beisei a ni.

Dr.K.Beichhua chuan Siaha khawpui chhunga internal Road te Black top-a thuam that zawh tep tawh a ni chu  lawmawm  a tiin, PWD Siaha Division te chuan Fur lai pawhin Black topping hna hi chawlh lovin an kalpui reng thei a, hei hi Mizoram hmundanga PWD Division te hian entawn thei se, tih a duhthu a sawichhuak.

Tukina  Minister in Siaha Town Internal Road Black Topped tawh te leh thawh mek  te inspection neia;  kawng a zawhchhuahna-ah hian District Bawrhsap Pu Bhupesh Chaudhary  leh Addl.DC, Pu K. Vanlalthiana te bakah HoO thahnem tak leh MDC thenkhat ten an tawiawm a ni.