No.3059/2021-2022
Aizawl; the 19th November,2021: Vawiin chawhma dar 11:00Am khan PHED Pump House,New Siaha kawtah Dr. K.Beichhua,Minister for SWD,AH&Vety etc chuan cheng nuai Rs.782.76/- senga siam Augmentation of Urban WSS,Siaha a hawng.
Hawnna thu sawiin, Dr.K. Beichhua chuan kum tam tak Siaha khawpuiin tui harsatna kan tawh te sukiang turin PHE dept. changtu Deputy Chief Minister ka zuk tah aw a, Deputy CM chuan kan manganna te min hriatthiampui in Special Assistance to State for Capital Expenditure atangin AUWSS, Siaha siamna tur Fund min lo pein, project Amount Rs.800 lacs atangin Rs.783.76 lacs min lo sanction ta a ni. Vawiin AUWSS,Siaha kan hawn pawh hi kan Deputy CM hriatpuina thlapa hawng kan ni, a ti.
Minister chuan Tui harsatna hian kan hriselna leh faina kawngah chauh min nghawng lo, kan rilru leh ngaihtuahna thlengin a nghawng a ni. Tui harsatna khua chu an rilru leh taksa a hrisel mawh hle, Changkanna leh hmasawnna pawhin a hlat thin a ni, a ti bawk.
Minister chuan Siaha khawpui tui harsa em em thin khan, tui kan lo hnianghnar tan ta, connection thar pawh a diltu apiang hnenah pek thei a lo ni ta hi, Siaha tan chuan thil chhinchhiah tlak tak a ni, a ti.
Vawiina official taka kan hawn tak AUWSS,Siaha hian kumin June thla atang khan Siaha khawpui a lo chawm tan der tawh a ni. Cheng nuai za tel project ah chuan AUWSS,Siaha hi Mizorama project thawhzawh ran ber a ni hial mai thei, PHE Sr.EE, Pu Manuna leh a nau ten mutmu pawh tuah lovin AUWSS hi an buaipuia, an chhuanawm tak zet a ni, a ti.
Siaha khawpui in nitin a tui mamawh zat hi 14,00,000litre a ni a.
Kum 2013 a Renewal &Augmentation of Urban WSS hnuaiah 40% Gravity leh 60% Pump a tui hi hmuh tura ruahhmanna siam a ni. Mahse Power Supply hmu that loh avang te, Siaha-Tisopi kawng sialnaah Gravity a tuilakna pipe an tihchhiat avang te in, Kum 2018 atang khan nitin tui litre nuai 14 mamawh thin Siaha town chuan nitin tui litre Nuai 6 vel lek chauh pump atangin tui a hmu thei a, hei hian tui harsatna namen lo a thlen ta a ni. He AUWSS hnuaiah hian lui 4 atangin Gravity in tuilakna siam a ni a. Fur ruahtui tam hun June-November chhung phei chuan Nitin tui litre 18,50,000 an pe thei a, Thal laiin nitin tui litre nuai 6 an la pe thei fan a ni. Fur lai chuan pump pawh hman a ngai tawh dawn lo a ni. Tui pump khawl hian darkar khatah Diesel litre 120 a mamawh a, AUWSS,Siaha hman thei a lo ni takah chuan, Diesel, Spare parts,lubricants, operation & Maintenance etc..sum hmanral thin Rs.120 lacs chu kum khatah a save thei dawn ta a ni.
AUWSS,Siaha hian Gravity water sources lui 4: Thange lui, PHE Lui, Bawite Lui-I&II atang in pipe diameter 100mm leh 65mm hmanga lak a ni a, Pipe sei zawng(Running length) belhkhawm hi 100mm --23.5Km leh 65mm---14.5Km a ni.
Vawiin AUWSS,Siaha hawnna inkhawm hi Er.H.Lalnunthanga,Sr.EE, PHED Siaha Watsan Div. in kaihruaiin, Pu Kesavan R, IAS, district bawrhsap in welcome speech a sawi a, Er.NT.Jevis, SDO, PHED(M) in technical report a pe bawk. CEM(MADC) aiawhtu Pu V.Vanhupa, EM(Rev),MADC pawhin thusawina hun a hmang bawk.
Er.PC.Lalthanliana,SDO,PHED(R) in lawmthu sawina in hawnna inkhawm hi a khar ta a ni.
Minister hian zingkarah Veterinary Hospital sak mek leh Vety Farm te tlawhin, DVO leh a staff te chu Vety Farm hmel lo danglam vek khawpa hna an lo thawhthat avangin lawmthu a hrilh hlawm a, Vawk leh Bawnga Artificial Insemination a hlawhtlinna an nei pawh lawmawm a ti thu a sawi bawk. Minister chuan African Swine Fever(ASF) chungchangah pawh a la rehfel tak tak loh avangin lo fimkhur chhunzawm zel turin a chah hlawm.
Vawiin programme-ah Minister hi Aizawl atangin SWD,AH&Vety, Sericulture leh E&N dept. high official te, MDC, Siaha a sawrkar official, VC leh MJA member te bakah party workers ten an tawiawm a ni.
