Vawiin  chhun dar 12-ah Mother Teresa kum Za tlin lawmna chungchang ngaihtuahin G.A.D. Commissioner-cum Secretary, Smt Renu Kumar Office Chamber-ah mi pawimawhte an thukhawm.
 
He Committee-a thukhawm te chuan Mizoramah hian Mother Teresa chungchangah Committee la neih ngai loh a nih avangin thil thar a ni a; mumal taka thil kalpui a nih theih nan Sub-Committee din nise, a lawmna Programme mumal taka neih ve ngei thain a hria a. Chu Sub- Committee chu Secretary, Social Welfare Chairman-na hnuaiah neih nise tih a rel a. Committee turte chu August 16, 2011-a thutkhawm nise tiin a rel a ni.
   
Mother Teresa hian Mi rethei leh mi hnuaihnung,chhantu nei lote enkawlna din a, a dam chhung hun hmangral thaktu, Nobel Laureate a nih avangin khawvel  ram tinah a hming a thang  em em a ni.  A hnathawh ropui tak avangin India ram chawimawina sang ber ber  te pawh lo dawng tawh a ni.