4238/2023-2024

Dated Siaha 19th March 2024 : Nimin chawhnu dar 3:30 khan kumina Member of Parliament (MP) inthlanpui lo awm tura Siaha District- a Nodal Officer- te chuan DC Mini Conference Room-ah thutkhawm an nei a. Thutkhawm hi Pu V.L. Hruaizela Khiangte District Election Officer chuan a kaihruai a ni.

Pu V.L. Hruaizela Khiangte, chuan ni 16, March, 2024 khan Elelction Commission of India (ECI) chuan  vote thlak hun tur puang fel tawhin Mizoramah chuan ni 19, April ah vote thlak tur a ni tiin, tun dinhmunah uluk leh khauh takin Model Code of Conduct ( MCC) pawh kalpui mek zel a ni, a ti. Mipuiten an aiawh, Delhi- a  India ram rorelna sang bera Mizoram mipuite aiawha thu tur thlanna a nih dawn avangin, felfai leh thianghlim taka Election kalpui a tul takzet a ni, a ti. A bik takin Nodal Officer- te chu mahni chanpual hna uluk leh tha taka kalpui tura a duh thu sawiin, inlungrualna leh thawhhona tha tak awm tura hma la turin a chah a ni.

MP Election- ah mipuiten vote thlak an ngai pawimawh tawk lo fo thin nia a hriat thu sawiin, Pu V.L. Hruaizela chuan mi tam zawkin vote an thlak theih nan SVEEP chu uar zawka kalpui a tul a ti a. Person with Disabilities (PwD) ten Vote an thlak vek theih nan, Home Voting kalpui leh tur a ni tih sawiin, a hma lama PwD te in report turin hmalak a tul a ti . Election chhunga hman tur motor leh an rate tur chu a hmalama chingfel turin hmalak a ni ang a ti bawk.

He thutkhawmah hian Siaha District chhunga Nodal Officer- te an telkim vek thei a, Election felfai taka kalpui a nih theihna tura hmalak dan tur kawng hrang hrangte sawiho a ni a. Nodal Officer tinte hna chanpual - chu uluk taka zirho leh sawihona neih nghal a ni.