MP inthlan neih zawh taka vote chhiar tura inpuahchahna kal zel ah Kolasib District chuan a vawrtawp thlengin Vote chhiar turin a inpeih tawh e.

Inpuahchahna kal zel ah vawiin khan Micro-Observer, Counting Supervisor leh Counting Asisstant te tan DIPRO Conference Hall ah final briefing neih a ni a, he hunah hian Kolasib DEO Pu Zoengsanga chuan election Duty tura Department hrang hranga hnathawk pawhpen te chungah lawmthu sawiin rim taka inpuahchana te chuan a vawrtawp a thleng dawn a, vote chhiar ni ah chi-ai miah lovin rilru fim tak pu in mahni hma zawna hna awm te hlen chhuak theuh turin a chah a hriathiam loh a awm chuan Election Official te zawh tur an awm dawn a, tihsual ai chuan zawt thin turin a chah bawk. Hemi bakah hian Election Officer Pu Vanlalchhuanawma Chawngthu chuan Counting Officials te hnathawh dan tur kalphung chu a hrilh nawn leh veka, Counting Official lam atanga hriat thiamloh leh hriatfiah duh nei te tan zawhna leh chhanna hun hman bawk a ni. Hemi bakah hian vote chhiar ni a hnathawh dan tur kalphung chu vote chhiar na tur hmun Government Kolasib College ah a taka tih chhin na (Practical training) neih bawk a ni.

Vawiin vek hian DC Conference hall ah DEO Pu Zoengsanga leh DIPRO Pu Collin Hlychho te chuan Vote chhiar ni a, Media te hriattur leh zawm tur thil chi hrang hrang sawi zau na hun an hmang a, DEO chuan tun tum Vote chhiar chu EVM Panga chhiar tel tur ani tawh dawn avangin vote chhiar hun a rei hret tur thu a tarlang a, Postal Ballot vote chhiar tur a awmloh thu a sawi bawk. Briefing inpek zawh hian Kolasib District MJA Memberte leh Election Official te chuan Vote chhiar ni a Vote chhiarna tur hmun Counting hall an tlawh a, Media Centre tur tlawh nghalin Media Centre a bungraw mamawh tur chi hrang hrang an sawiho bawk a, chawhnu lamah Election Officer kaihhruaina in Vote chhiar ni a Political Party te hriattur pawimawh thil chi hrang hrang chu party hruaitute hnenah inhrilhhriatna hun hman bawk a ni.

MP inthlana Kolasib District a Vote tla te hi Government Kolasib College Multipurpose hall ah chhiar tur niin, Counting Official 127 (Reserve official tel in) ten counting centre pathum a Counting table 30 hmangin an chhiar dawn a, counting centre pathum ruahman niin Counting Centre-I ah Tuirial AC a vote tla te chhiar an ni anga vote chhiar nan dawhkan 9 ruahman a ni, Counting centre-II ah kolasib AC tan dawhkan 10 leh Counting Centre-III ah Serlui AC tan dawhkan 11 ruahman ani bawk. Vote chhiarna Dawhkan pakhat zel hi official pathum Supervisor, Counting Assistant leh Micro Observer ten an buaipui dawn a ni.