Naktuk May 16 a MP inthlan result chhiarna tur chu engkim peihfel a nih tawh hnuin vawiin khan Counting Observer Pu Jarnail Singh, IFS, Forest Department, Maharashtra uapna hnuaiah Vote chhiarna-a duty turte thlanfelna hun, Randomization neih a ni a, DC Office-a NIC Video Conference Hall-ah computer hmangin hei hi tih a ni.

Vote chhiarna-a duty tur Counting Superviser, Counting Assistant leh Micro Observer tehi a vaiin Officer 51 thlan chhuah phawt an ni a, heta tang hian vawiina randomization neih takah hian counting table 12-a duty tur 36 thlan chhuah an ni a. Table tinah counting superviser, counting assistant leh micro observer pakhat theuh zel, table pakhatah 3 theuh an duty dawn a, mi 15 te chu reserve ah an awm ang. Vawiina randomization tihnaah hian Political party aiawhte an tel a, DC Pu Jitender Yadav leh official thenkhatte an tel bawk.

Naktuk zing dar 5: 45-ah a tawp berna atan Randomisation hi tih leh a ni ang a, hetah hian Counting officials te duty na tur Table theuh tihchian a ni ang a, zing dar 8-ah Vote chhiar tan a ni ang. Kolasib District chhung constituency pathum, 4Tuirial, 5 Kolasib leh 5 Serlui atana Counting Observer Pu Jarnail Singh hian vawiin vek khan EVM Strong room leh Counting Hall/ Revenue Office te chu a tlawh nghal a. Election inpuahchahna chu tha hle-a a hriat thu a sawi a ni.

Attachment

  • Loading attachment...