No.3499/2020-2020

Mizorama Covid-19 hripui laka invenna leh sipai duty dan chungchangah Lok Sabha Member Pu C.Lalrosanga chuan vawiin khan Mizoram bialtu Border Security Force Inspector General Pu Sunil Kumar, Silchar ami leh an DIG Pu Kuldeep Singh ate a bia a. An sipaite Mizoram chhunga an luh dan leh an khung hran danah fimkhur lehzual turin a hrilh.

BSF IG chuan an sipai Mizorama rawn lut turte an khuahkhirh bakah swab test tihtir hmasak zel an nih tur thu a sawi a. Uluk taka inkharkhipna tur ruahman a nih thu a sawi. Hemi chungchangah hian Mizoram sawrkar leh mipui tawiawmna a ngen nghal a ni.

Pu C.Lalrosanga hian Champhai vela Assam Rifles sipaite chetdan chungchangah Assam Rifles DIG Brig. Vinod pawh phone-a thu sawipuiin Champhaia sumdawngho leh lirthei neitu leh khalhtu pawl hrang hrangin Assam Rifles sipaite chetdan chungchanga lungawilohna an neihte chhui chiang tur leh harsatna an tawhte titawp turin a hriattir bawk a ni.