3912/2023-2024

Dated Siaha 21st February 2024: Vawiin chawhma dar 10 khan DRDO's District Rural Resource Centre -ah Pu C.Lalrosanga, MP (LS) leh DDCMC (DISHA) Chairman ni bawk hovin DDCMC/DISHA meeting- neih a ni.

Pu C. Lalrosanga, MP, Lok Sabha, chuan DISHA Meeting -pawimawh tak neih theih a ni chu lawmawm tiin, meeting - a lo tel Department- hotute hnenah lawmthu a sawi hmasa a. DISHA meeting neih chhan sawiin Pu C. Lalrosanga chuan thla thar maiah sawrkar kum a tawp tawh dawna, 2023-2024 Financial Year - chhunga Centrally Sponsored Scheme (CSS) Line Department - ten an kalpui dan a lungawithlak em tih leh tun dinhmuna hlawhtlinna an neih chu a pawimawh ber a ni, a ti. Sawrkar laipui Scheme pawimawh tak takte chu tha tak leh a nihna tur ang taka an kalpuite , harsatna an neihte, an hmasawnna leh hlawhtlinna neihte inhriatpui tawn a, Line Department hrang hrangten thawhhona tha zawk an neih theih nan leh hmalam hunah Scheme leh Plan tha leh felfai tak duan chhuah zel a nih theih nan a ni, a ti a. A bik takin CSS kalpui leh hnathawh danah mipuite an lungawi tawk em tih a pawimawh hle tiin Pu C. Lalrosanga chuan mipuite mamawh leh chhawr tangkai tur hmasawnna chu lo ngaipawimawh chhunzawm zel turin a chah.

Pu C. Lalrosanga chuan sawrkar laipui atanga sum lo kal ang angte chu ram leh hnam hmasawnna tur a nih ang taka, ram hmangaihna nen hnathawh thin a tul hle a ti a. A diklo leh fello lai awmte pawh a tul ang a hotute hnena thlen zel turin kalkhawmte a chah a. Siaha District hmasawnna leh changkan zawk theih nana theihtawp lo chhuah zel turin deparment- hotute a sawm nghal bawk.

Vawiin thutkhawmah hian Siaha District chhunga Centrally Sponsored Scheme (CSS) hnuaia nikum April, 2023 atanga kumin March , 2024 thlenga Line Department-hrang hrangten an hmalak tawhna leh hlawhtlinna an neih hrang hrangte tarlanna an nei a, harsatna an tawhte pawh hmalam huna sutkian dan tur kawngte sawiho nghal a ni a. CSS hnuaia Line Department- report- pekna neite chu
- District Rural Development Officer (DRDO), BDO,Tipa RD Block , BDO, Siaha RD Block, E.E. -Power & Electricity Department, E.E.- PHE Department, E.E.- PWD, E.E. -Highway, SDO- Building, Chief Medical Officer (CMO), District Agriculture Officer (DAO), District Civil Supply Officer (DCSO), District Commerce & Industry (DIC), Animal Husbandry & Veterinary Department (AH& Vety), District Horticulture Officer (DHO), District Labour & Employment Officer (DLEO), Irrigation & Water Resources Department (I & WRD), Samagra Siksha, District Conservator of Forest (DCF, MADC), District Social Welfare Officer ( DSWO) Child Development Project Officer ( CDPO), Local Administration Department (LAD, MADC), Revenue Department, MADC, District Sericulture Officer (DSO), SDE- BSNL, National Urban Livelihood Mission (NULM), Department of Post leh Lead Bank Officer - te an ni.

Vawiin DDCMC/DISHA- thutkhawmah hian Pu M. Laikaw CEM, MADC leh Pu Lalhmunsanga Hnamte District Bawrhsap, Member Secretary, DDCMC/DISHA ni bawk bakah CSS hnuaia Line Department- hotute an telkim vek thei a, NGO aiawhin MTP, leh MCHP President- te an tel bawk.