Health Minister leh Mizoram Football Association (MFA) President ni bawk Pu Lal Thanzara leh Finance Minister Pu Lalsawta chuan August ni 31 atanga khelh tan Mizoram Premier League season-6 kharna hmanpuiin Final Match an enpui bakah lawmman an sem nghal bawk.

MPL season 6 ah hian team pariat an tel a. Final-ah hian Chhinga Veng FC leh Aizawl FC an intum a. Chhinga Veng FC hian 1-0 in Aizawl FC an hneh a ni. Mimal lawmman hrang hrang sem niin Top Scorer chu Lalfakzuala Mizoram Police FC, Best Player chu R.Malsawmtluanga Chhinga Veng FC, Best Defender chu R.Laldinliana Chhinga Veng FC, Best Goalkeeper chu F.Lalmuanawma Chanmari FC, Best Forward chu H.Lalmuankima Aizawl FC leh Best Midfielder chu R.Malsawmtluanga Chhinga Veng FC a ni.