1877/2025-2026

Aizawl; the 13th October, 2025: Vawiin khan P&PI Conference Hall-ah District Development Coordination &Monitoring Committee (DISHA), Aizawl District member te chuan an Chairman leh Hon'ble MP(LS) ni bawk Pu Richard Vanlalhmangaiha kaihhruaina hnuaiah an thukhawm a. Meeting-ah hian Minister 2 Pute: Lalthansanga leh Dr.Vanlalthlana leh MLA 2: TBC.Lalvenchhunga,Adviser to CM(Finance) leh Pi Baryl Vanneihsangi te pawh an tel.

Vawiin meeting-ah hian thla ruk(April-September,2025) kalta chhunga Aizawl District chhunga Department hrang hrang hnuaia Centrally Sponsored Scheme(CSS) hmalakna hrang hrang te chipchiar taka thlirho niin, chak zawka CSS kalpui dan turte, Department hrang hrang inkara thawhhona tha zawk neih dan tur te sawiho a ni.

Aizawl District chhunga CCS khawih Department hrang hrang 27-a HoD/representative ten Power Point Presentation hmangin  Centrally Sponsored Schemes hnuaia an hmalakna theuh leh  hmachhawp te meeting-ah hian report an pe a.Minister leh MLA te hian rawtna an neih te meeting-ah hian tarlangin, an thil hriatchian duh te pawh an zawt bawk.