3988/2024-2025

Lunglei, 2025 Pawlkut thla ni 27: Vawiin chawhma khan Mizoram Public Service Commission (MPSC)-in Disaster Management & Rehabilitation (DM&R) Department hnuaia District Organiser (Contract Basis) leh Food, Civil Supplies & Consumer Affairs (FCS&CA) Department hnuaia Junior Accounts Officer exam a huaihawt tur chungchangah MPSC Secretary Dr H. Lianzela hovin Lunglei DC Conference Hall-ah exam buatsaih dan tur inhrilhfiahna buatsaih a ni.

He hunah hian Lunglei Centre-a exam buaipuitu tur - Invigilator, Coordinating Supervisor, Centre Supervisor, Centre Suprintendent leh Assistant Centre Superintendent te telin, hriat tur ṭul leh pawimawh hrang hrang hrilhfiah an ni.

MPSC kal tlanga Combined DO & JAO (Group 'B' Non-Gazetted) Examination 2025 buatsaih turah hian District Organiser (DM&R hnuai)-ah post 3 awmin, Junior Accounts Officer (FCS&CA hnuai)-ah post 10 (9 + PwBD tana hauh 1) a awm a. Lunglei exam centre atan Lunglei Government College chu ruat niin, Lunglei Centre-ah hian exam tur mi 350 an awm a ni.