1247/2022-2023
Aizawl 14th Jly 2022 : Vawiin khan Banker's Institute of Rural Development, Kolkata leh Mizoram Rural Bank tangkawp chuan Mizoram Rural Bank hnuaia Officer te tan ni 3 awh tur training an tan.

Banker's Institute of Rural Development (BIRD), Kolkata hi NABARD hnuaiah agriculture leh rural development lama training leh research an pekna hmun ni turin kum 1984 khan din a ni a. India ram chhak lam leh hmarchhak lam state hrang hrang a Commercial Banks, Regional Rural Banks, Cooperative Banks, Government Organizations leh NGO te hnenah training a pe thin a. Mizoram Rural Bank nena inremna thuthlung ziakin mahni state chhungah ngei zirtirna pe tur leh a tul anga thawhhona huang zauh zel turin rem an ruat a.

Ni 3 awh training programme ah hian Agriculture Finance and Business Development for Rural Branch Managers tih thupui hmangin Topic hrang hrang -

a) SHG, JLG, FCs, FPOs, Financial Inclusion chungchangte
b) Loan documentation, Balance Sheet siam dan teh Banking kaihhnawihte,
c) Agriculture kaihhnawih hrang hrang a hmasawnna awm theih dan te
d) Ar vulh leh Ran vulh atanga siam chhuah theih hrang hrangte zirho a ni. Hei bakah hian KVK Aizawl te nena tangkawpin Field Visit neih a ni bawk.

Programme Director hi Pi Hermant Kumbhare, Faculty Member a ni a, Training hawnna inkhawmah hian Joint Director BIRD, Kolkata, General Manager MRB leh Officer in Charge, NABARD Regional Office aiawh ten thu an sawi a ni.

Training tur hian MRB Branch hrang hranga Branch Manager mi 24 an kalkhawm a. Training hi Learning Centre, MRB Head Office, MINECO ah neih a ni.