Mizoram State Cooperative Union (MSCU) Board of Directors meeting chu vawiin chawhma dar 11:00 khan an President Pu Lianthangpuia hovin ama office chamber ah neih a ni.
He meeting ah hian an hmalak tawhna te thlirin, an staff te hamthatna chungchangte an sawiho a. An staff te hi nikum December thla atanga chhutin 6th Pay anga hlawh pek ve ni se an ti a. Hna thar engemawzat siam belh ni se an ti bawk.
MSCU Board of Directors meeting hian kum tin July thla Inrinni hmasa bera hman thin International Cooperative Day chu kuminah hian Mizoram ah pawh hman ve ni se an ti a. He ni hi UNO pawhin kum 1995 atang khan pawmpuiin, khawvel ram zawng zawnga Cooerative Society te chuan he ni hi uar takin an lo hmang thin a ni. UNO in International Year of Cooperation atana kum 2012 a puan pawh Mizoram ah uar taka hman ve ni se an ti a, hman dan tur chu a remchan dan anga la ruahman chhoh ni se an ti bawk.
MSCU hian Cooperative Society te hamthatna atan kawng hrang hrangin hma a la thin a. Thalaite tana a thlawna Computer Training programme a buatsaihah kum 2007 atanga kumin 2011 thleng hian Thalai 750 te chuan Certificate in Computer Application (CCA) an zo tawh a, mi 882 ten Diploma in Computer Application (DCA) an zawh tawh bakah mi 111 ten Advance Diploma in Computer Application (ADCA) an zo tawh bawk a. Cooperative Management Training vawi 43 leh Cooperative Seminar vawi 9 an buatsaiah mi thahnem tak an tel bawk a ni.
MSCU Board of Directors meeting hian kum tin July thla Inrinni hmasa bera hman thin International Cooperative Day chu kuminah hian Mizoram ah pawh hman ve ni se an ti a. He ni hi UNO pawhin kum 1995 atang khan pawmpuiin, khawvel ram zawng zawnga Cooerative Society te chuan he ni hi uar takin an lo hmang thin a ni. UNO in International Year of Cooperation atana kum 2012 a puan pawh Mizoram ah uar taka hman ve ni se an ti a, hman dan tur chu a remchan dan anga la ruahman chhoh ni se an ti bawk.
MSCU hian Cooperative Society te hamthatna atan kawng hrang hrangin hma a la thin a. Thalaite tana a thlawna Computer Training programme a buatsaihah kum 2007 atanga kumin 2011 thleng hian Thalai 750 te chuan Certificate in Computer Application (CCA) an zo tawh a, mi 882 ten Diploma in Computer Application (DCA) an zawh tawh bakah mi 111 ten Advance Diploma in Computer Application (ADCA) an zo tawh bawk a. Cooperative Management Training vawi 43 leh Cooperative Seminar vawi 9 an buatsaiah mi thahnem tak an tel bawk a ni.
