Mizoram State Cooperative Union Ltd. Board of Directors chu vawiin khan President Pu Lianthangpuia office, Dawrpui ah meeting an nei.

Meetingah hian an thutkhawm hmasaa an thurelte bawhzui dan kimchang report ngaihthlak niin, sawiho tur agenda chhawpchhuahte sawizui nghal a ni. An sawiho zingah hian ICDP hman dan tur chungchang te sawihoin, Assembly in a passed tak kum 2017 - 2018 chhunga budget ruahman Rs.281 lakhs chu an nemnghet a. Education leh Training lam enkawltu tur Cooperative Development Officer post siamin, Field Education Officer te hnathawh kaihruaitu tur a ni ang a, Executive Officer chuan administration lam enkawl lam chhunzawm turin an rel bawk a ni. Meeting hian Cooperative Week 2016 November thlaa neih tur pawh an thlirlawk nghal bawk a ni.

MSCU ah hian hnathawk nghet mi 28 an awm mek a, vawiina meetingah hian Board of Directors member 20 zingah 17 an tel thei a ni.