No.6936/2020-2021

Vawiin khan Mizoram State Cooperative Union (MSCU) Board of Directors chu an President Pu K.Lalchamreia kaihhruaina hnuaiah Registrar of Cooperative Societies (RCS) Meeting Hall, Babutlang-ah an thukhawm.

Meeting-ah hian Cooperative Societies-te inkaihhruaina Dan Bu-a Bye-law ennawn ngaite ennawn niin siamthat ngaite thlirho a ni a, siamthat (amendment) ngaite chu General Assembly chauhin a pass theih avangin Assembly neih hmasak berah chhawpchhuah nise tiin an rel. Sorkarin Covid-19 veite enkawlna atana MSCU hnuaia Junior Cooperative Training Centre (JCTC), Chawlhhmun chungchang Notification a chhuah chu sawiho a nih bakah MSCU Building thar sak mek zawh huna hawnna neih leh hmalak zel dan turte an sawiho bawk.