4339/2023-2024

Dated Aizawl, the 26th March 2024: Vawiin khan Mizoram State Legal Services Authority, Govt. Mizoram Law College leh Govt. Aizawl North College-te tangkawpin an buatsaih - Seminar on Media, Law and Ethics chu Conference Hall, Gauhati High Court, Aizawl Bench-ah neih niin Pu Justice Michael Zothankhuma, Judge, Gauhati High Court leh MSLSA Executive Chairman ni lai chuan a hmanpui. He hunah hian Press mite, Law Professionals, Youtubers leh Special invitees te an tel bawk a ni.

Pu Justice Michael Zothankhuma chuan he seminar a topic hrang hrangte chu an inkawihhnawih dan sawiin, Ethics chu mahni chhungril lam nun vawngtu tur atana dan kan siam, mihring kan nun ho nan leh nitin mimal nun a kan tihtur mawi leh tha zawk kan induan hi niin, Law kan tih ve thung erawh chu pawn lama min vawngtu, kan khawtlang inrelbawlna kawnga kan tih tur leh tih lo tur mumal tak kan siam hi a nih thu a sawi. Media chuan chanvo pawimawh tak an chelh thu sawiin, tunlai chhanah chuan law leh ethics khaikawptu, mipuite puitu tur, aw neilote tana aw siamsaktu an nih avangin thu dik leh hleih nei lo pe chhuak a, dan nena thudik pekchhuak kawnga tan kawp tlat a tul thu a sawi a ni.

He Inaugural session-ah hian Welcome Address, Pi Gracy L. Bawitlung, Member Secretary, MSLSA chuan neiin MSLSA chungchang sawina tawi a nei a. Hemi zawh hian Special Address, Pi Mina Zoliani, Deputy Director, I&PR lam atanga neih niin Media, Law leh Ethics pawimawhna te a sawi a. Media chu mi rilru sukthlek thlak danglam theitu anih mai bakah eng huangah pawh mi tihmingthatu leh ti ropui theitu anih rualin mi tichhe vek theitu anih naah fimkhur taka hman atul thu sawiin, cyber crime hluar zelah hian sawrkar chang ni lovin mitinten mawhphurhna an neih thu a tarlang.

Inaugural session hi Vote of Thanks Dr. C.Lalhmanmawia, Asso. Professor, Govt. Aizawl North College chuan neiin a khar a ni.

Technical Session-in chhunzawmin Moderator hi Pi Zoparliani Khiangte, Asst. Professor, Govt. Mizoram Law College niin, Presentation chi hrang hrang - Media: Pi Irene Lalruatkimi, Copy Editor, Regional News Unit, AIR, Aizawl;  Cyber Crime& Law Enforcement: Pu Zonunsanga, MPS, Addl. SP, CID(Crime) leh Law& Ethics: Pu Laldinpuia Tlau, MJS, Joint Registrar (Judl) Gauhati High Court, Aizawl Bench- te hnen atanga entir a ni. Presentation hi Interactive session-a chhunzawm a ni.