Mizoram sorkara Information & Communication Technology Department leh DP&AR (Secretariat Service Wing) tangkawp buatsaihin vawiin khan nikhat awh ‘Website Management’ chungchang zirhona neih a ni a. He hunah hian sorkar department hrang hrang 35 atanga Superintendent-ten sorkar website enkawlna kawnga thil tangkai tak tak an zirho a ni. Hetiang Workshop hi MSS Junior Grade Officer zawng zawng tana buatsaih tum a ni a, August leh September thla chhung hian workshop tum thum (3) la neih tum a ni.

He workshop-ah hian ICT Department thawktuten zirtirin,website hmanga sorkar hnathawh phochhuah pawimawhna te, mipui rawngbawlna atana website tangkai theih dan leh department website-te update that tul dante zirho a ni a. Website enkawlna kawnga MSS Officer-te pawimawh dan zirho a ni bawk.