Vawiin khan Mizoram Secretariat Service Association (MSSA) Conference Vawi 14-na chu Thara Resort, World Bank Road, Falkland-ah hman a ni. MSSA Conference-ah hian Rural Development Minister Pu Lalruatkima chu khuallian a ni a. Conference hi MSSA Sr.Vice President & Jt. Secretary, Finance Department, Pu F.Lalrinawma chuan a kaihruai.

Rural Development Minister Pu Lalruatkima chuan MSSA member te’n Conference hmang tura an sawm chu lawmawm, a ti a. Hotute thuawih, mahni inthununthei, midangte zah thiam ni turin MSSA member te chu a chah a. Ram hruaitute, a bikin mipui thlan tlin MLA te zahthiam a pawimawh a ni, a ti a. Inpekna leh thahnem ngaihna kawngah te, taimak kawngah te, sawrkar tan theih tawp chhuah theuh turin a ngen a. Minister chuan Sawrkar kut leh ke pawimawh tak, MSSA te chu sawrkarin Policy a neih tur a hlawhtlin theih nan, ram leh hnam tana rohlu tling turin leh mawhphurhna leh thiamna an neih te chu tangkai lehzual zawka hman a nih theih nan sawrkar pawh fin chhuah thin turin a ngen bawk a ni. Rural Development Minister Pu Lalruatkima chuan mi tam takin ei leh bar zawnna kawnga harsatna neite sut kiang chu sawrkar tum a ni a, chumi hlawhtlinna chu sawrkar hnathawkte-ah thui tak a in nghat a ni, tiin a sawi a. Ram leh Pathian tan thawh ho puiah sawmin, MSSA member te chu an kalna zel turah duhsakna a hlan bawk a ni.

MSSA General Secretary, Pu Zahmingthanga chuan Report a pe a, member inchhiarna neiin, member 120 vel Conference ah hian an kal a, Aizawl District pawn atangin member 2 an tel. Chawhnu lamah Technical Session neih niin, MSSA President Pi K.Vanlalrawni chuan kaihhruaina hun a hmang a ni.

Kum 2017-2019 chhunga MSSA hruaitute:

President- Pi K.Vanlalrawni
Sr. Vice President – Pu F.Lalrinawma
Vice-President- Pu Lalrinsanga, Pu C.Lalrosanga
General Secretary- Pu Zahmingthanga
Addl.General Secretary- Pu Zohmingthanga
Treasurer- Pi H.Vanlalchuangi
Finance Secretary- Pi Zonunthari
Secretary i/c Information- Pu T.C Lalkhuma
Secretary i/c Organisation- Pi Betsy Zothanpari Sailo

Attachment

  • Loading attachment...