Mizoram Multi-Commodity Producers’ Co-operative Union Ltd. (MULCO) chuan an din champha phak 25-na chu vawiin khan MULCO Conference Hall, Thuampui-ah AH&Vety. Minister Pu Nihar Kanti Chakma hovin an lawm a, Annual General Meeting vawi 15-na an hmang zui a ni. Bialtu MLA Pu R. Lalrinawma, Law Commission Chairman bakah AH&Vety Dept. officers ni mek leh nlo ni tawh engemawzatin he hun hi an hmanpui a ni.
Silver Jubilee lawmpuina hlanin Minister chuan mipui mamawh pawimawh tak bawnghnute leh bawnghnute atanga thilsiam chi hrang hrang pe chhuak thei tura MULCO thawktute inpekna chu fakawm a ti a. Cooperative Society hlawhtling leh kaltluang tak kum 25 lai an ni thei te, chu chu vawng nung a, theihtawp chhuah zui zel turin a fuih a ni.
Pu R.Lalrinawma pawhin thu sawiin cooperative society te chu mi harsa zawkte tana thawk an nih angin MULCO pawhin a sum leh pai zawnga teha hlep ropui tak tlin lo mahse mipui mamawh phuhru tura an hnathawh chu chhuanawm a tih thu a tarlang.
Inkhawm kaihruaitu MULCO Managing Director Dr. Lalhmingthanga chuan kum 2008-2009 chhunga an hmalak dan tlangpui report a pe a. Mipui hriat atana thil pawimawh a tarlan zingah MULCO bawnghnute leh bawnghnute atanga an thil siam chhuah reng reng te chu tih thianghlim leh sawngbawl hmasak (pasteurised) vek an ni a, hei hian natna tlanglawn tak T.B. hrik a ti hlum thin a. Mizo zinga T.B. hrik lanchhuah tamna ber bawng atanga piang chi (Bovine T.B.) tih hlum zel a nih avangin MULCO bawnghnute hi mipuiin ei uar zawk se a duhthu a sawi.
MULCO hi a dintirh chuan Mizoram Milk Producers’ Cooperative Union Ltd. tih hming puttir a ni a. Mizoram Cooperative Societies Act hnuaiah 5th June, 1984 khan reigster a ni. Ni 4.12.1991 atang khan Mizoram Multi-Commodity Producers’ Cooperative Union Ltd (MULCO) tia a hming thlakin bawnghnute bakah thlai, spices leh vawksa thlengin MULCO chuan a khawih tel thei ta a ni. Operation Flood-III hnuaiah sorkar laipui chuan cheng nuai 246 rawn pein Dairy Plan changtlung tak din a ni thei ta a, ni 23.8.1993 khan Council of Ministers, heti hunlaia Chief Minister Pu Lal Thanhawla hova thukhawm chuan AH&Vety. Dept., Govt. of Mizoram chu MULCO hnena hlan chhawng turin a rel ta a ni. MULCO Managing Director ni tawhte chu 1). Dr. Daniel Chianghnuna, 2).Dr.David Dailo Varte, 3).Dr.R.C.Lalmuana an ni.
Tunah hian MULCO hi Mizoram pumah inzar phar tawhin a hnuaia Society awm zawng zawng chu 34 an ni a, member 618 leh ranvulh mek Member 330 an awm bawk. MULCO hnuaia hian ran chi hrang hrang 2396 enkawl mek an ni bawk. Kum 2008-2009 chhunga an sumdawnna hrang hrang atanga an hlawkna hmuh (Net Profit) chu Rs.2,56,094 a ni.
Vawiina 15th Annual General Meeting-ah hian kum 2009-2010 chhunga MULCO Board of Directors thlanna an nei nghal dawn a ni.
Pu R.Lalrinawma pawhin thu sawiin cooperative society te chu mi harsa zawkte tana thawk an nih angin MULCO pawhin a sum leh pai zawnga teha hlep ropui tak tlin lo mahse mipui mamawh phuhru tura an hnathawh chu chhuanawm a tih thu a tarlang.
Inkhawm kaihruaitu MULCO Managing Director Dr. Lalhmingthanga chuan kum 2008-2009 chhunga an hmalak dan tlangpui report a pe a. Mipui hriat atana thil pawimawh a tarlan zingah MULCO bawnghnute leh bawnghnute atanga an thil siam chhuah reng reng te chu tih thianghlim leh sawngbawl hmasak (pasteurised) vek an ni a, hei hian natna tlanglawn tak T.B. hrik a ti hlum thin a. Mizo zinga T.B. hrik lanchhuah tamna ber bawng atanga piang chi (Bovine T.B.) tih hlum zel a nih avangin MULCO bawnghnute hi mipuiin ei uar zawk se a duhthu a sawi.
MULCO hi a dintirh chuan Mizoram Milk Producers’ Cooperative Union Ltd. tih hming puttir a ni a. Mizoram Cooperative Societies Act hnuaiah 5th June, 1984 khan reigster a ni. Ni 4.12.1991 atang khan Mizoram Multi-Commodity Producers’ Cooperative Union Ltd (MULCO) tia a hming thlakin bawnghnute bakah thlai, spices leh vawksa thlengin MULCO chuan a khawih tel thei ta a ni. Operation Flood-III hnuaiah sorkar laipui chuan cheng nuai 246 rawn pein Dairy Plan changtlung tak din a ni thei ta a, ni 23.8.1993 khan Council of Ministers, heti hunlaia Chief Minister Pu Lal Thanhawla hova thukhawm chuan AH&Vety. Dept., Govt. of Mizoram chu MULCO hnena hlan chhawng turin a rel ta a ni. MULCO Managing Director ni tawhte chu 1). Dr. Daniel Chianghnuna, 2).Dr.David Dailo Varte, 3).Dr.R.C.Lalmuana an ni.
Tunah hian MULCO hi Mizoram pumah inzar phar tawhin a hnuaia Society awm zawng zawng chu 34 an ni a, member 618 leh ranvulh mek Member 330 an awm bawk. MULCO hnuaia hian ran chi hrang hrang 2396 enkawl mek an ni bawk. Kum 2008-2009 chhunga an sumdawnna hrang hrang atanga an hlawkna hmuh (Net Profit) chu Rs.2,56,094 a ni.
Vawiina 15th Annual General Meeting-ah hian kum 2009-2010 chhunga MULCO Board of Directors thlanna an nei nghal dawn a ni.
Attachment
- Loading attachment...
