Sorkar laipuiin hmasawnna tura ruahmanna hrang hrang a siam - 15 Flagship Programmes tia hriatlar - kalpui mekte enthlithlai tura ruat Multi-Disciplinary High Power Offcial Team chu nimin khan Aizawl rawn thlengin, tlai dar 4:00 khan Mizoram Chief Secretary Pu Vanhela Pachuau leh State Planning Board Member-Secretary Pu P.L.Thanga bakah a kaihnawih department officials te nen State Guest House Conference Hall-ah meeting pawimawh tak an nei zui nghal a. New Delhi atanga lo kal High Power Team hi Planning Commission Adviser (NE) Pu S.N.Brohmo Choudhury-in a hova, member dangte chu Planning Commission Dy.Adviser Dr.P.Paul Pandian, Ministry of Rural Development aiawh Pu S.K.Singh; Animal Husbandry, Dairying & Fisheries-a Livestock Officer Dr. Sujit Nayak leh Dy. Secy. Pu Prahlad Rai te an ni.
Nimin tlai meeting an neih takah khan heng Flagship Programmes hrang hrang thlenpui chin tawh leh Mizoram sorkar hmalakna tur pawimawh tak NLUP chungchang chu chipchiar taka zir leh sawiho a ni a. Mizoram Chief Secretary Pu Vanhela Pachuau chuan NLUP chungchangah Prime Minister, Planning Commission Secretary leh Adviser-te nen sawihona vawi tam tak an neih tawh thu tarlangin Mizoram dinhmun zirchiang tura High Power Official Team an rawn kal thei chu lawmawm a tih thu a sawi a. NLUP chu a hmain Mizoram kalpui a nih tawh thin thu leh Synod Social Front chuan Mizoram pumah NLUP hmasa zawk chu zaa 40% vela lo hlawhtling tawhin a chhut a; tuna NLUP ruahmanna siam thar chuan a hma aia huamzau zawk leh kuthnathawtute tan hamthatna tam zawk a ken tel thu a sawilang a ni.
High Power Team hotupa Pu Brohmo Choudhury chuan Prime Minister tirha lo kal an nih thu sawiin NLUP chungchang zirchiang lehzual tura lo kal an ni, a ti. Mizoram sorkar-in Planning Commission hnena NLUP an thehluh atanga amah chu a zirchiangtu leh buaipuitu a nih thu leh tuna Mizoram an tlawh chhung hian Aizawl bakah District dang 3 - Lunglei, Lawngtlai leh Saiha - te an tlawh tur thu sawiin Pu Choudhury chuan heng hmunah te NLUP chhawr tangkai tak tak thei tur loneitu leh kuthnathawktute pawh an kawm tur thu a sawilang bawk.
Mizoram State Planning Board Member Secretary Pu P.L.Thanga chuan powerpoint presentation neiin sorkar laipui programme hrang hrangah hmalak a nih tawh dan te leh NLUP hmanga chhungkua harsa zawkte inkhaichhuah sorkarin a tum dan chu a hrilhfiah a. Mizorama mi cheng zaa 70% chu lonei/agriculture-a innghat an ni tih sawiin Pu P.L.Thanga chuan NLUP hmalakna hnuaiah loneitute chu ram nghet pek tur an nih tur thu te, chu chuan an buh leh bal, thlai tharchhuah leh ranvulh atangin eizawnna nghet a pe thei dawn a ni, a ti. Tuna Mizoram sorkarin NLUP a ruahman ang hi India state dangin an neih ve loh thu tarlangin Pu Thanga chuan he NLUP thar hian thingtlang leh hmun kilkhawra chhungkua/mimal harsa zawkte chauh nilovin khawpuia mi rethei awmte pawh nasa takin a chhawmdawl dawn a ni tiin a hrilhfiah a. NLUP hi Indian Council of Agricultural Research (ICAR) mithiamte pawhin lo zirchiang tawhin, ruahmanna beiseiawm tak anih thu an hrilh tih a sawi bawk. High Power Team Member-te chuan zawhnate lo zawtin sorkar laipui ruahmanna kalpui mek te leh NLUP kaihkawp theih dan tur te pawh an sawipui a ni.
High Power Team hotupa Pu Brohmo Choudhury chuan Prime Minister tirha lo kal an nih thu sawiin NLUP chungchang zirchiang lehzual tura lo kal an ni, a ti. Mizoram sorkar-in Planning Commission hnena NLUP an thehluh atanga amah chu a zirchiangtu leh buaipuitu a nih thu leh tuna Mizoram an tlawh chhung hian Aizawl bakah District dang 3 - Lunglei, Lawngtlai leh Saiha - te an tlawh tur thu sawiin Pu Choudhury chuan heng hmunah te NLUP chhawr tangkai tak tak thei tur loneitu leh kuthnathawktute pawh an kawm tur thu a sawilang bawk.
Mizoram State Planning Board Member Secretary Pu P.L.Thanga chuan powerpoint presentation neiin sorkar laipui programme hrang hrangah hmalak a nih tawh dan te leh NLUP hmanga chhungkua harsa zawkte inkhaichhuah sorkarin a tum dan chu a hrilhfiah a. Mizorama mi cheng zaa 70% chu lonei/agriculture-a innghat an ni tih sawiin Pu P.L.Thanga chuan NLUP hmalakna hnuaiah loneitute chu ram nghet pek tur an nih tur thu te, chu chuan an buh leh bal, thlai tharchhuah leh ranvulh atangin eizawnna nghet a pe thei dawn a ni, a ti. Tuna Mizoram sorkarin NLUP a ruahman ang hi India state dangin an neih ve loh thu tarlangin Pu Thanga chuan he NLUP thar hian thingtlang leh hmun kilkhawra chhungkua/mimal harsa zawkte chauh nilovin khawpuia mi rethei awmte pawh nasa takin a chhawmdawl dawn a ni tiin a hrilhfiah a. NLUP hi Indian Council of Agricultural Research (ICAR) mithiamte pawhin lo zirchiang tawhin, ruahmanna beiseiawm tak anih thu an hrilh tih a sawi bawk. High Power Team Member-te chuan zawhnate lo zawtin sorkar laipui ruahmanna kalpui mek te leh NLUP kaihkawp theih dan tur te pawh an sawipui a ni.
