New Secretariat Complex, Khatla hmuna Multi-Level Parking, Community Centre & Office Complex sakna tur hmun chu vawiin khan UD&PA Minister Pu Zodintluanga hovin Chief Secretary Pu Vanhela Pachuau, Principal Secretary to Chief Minister Pu Lal Ramthanga, GAD Secretary Pi Renu Sharma, Special Secretary Sports Pu R. Lalvena, Engineer-in-Chief Pu Lianchungchunga leh sorkar officials pawimawh dangten an enfiah a. He lirthei dahna leh office hmun sak nan DoNER atangin cheng vaibelchhe 15.94 dawn a ni tawh a, hna pawh tan thuai beisei a ni.

Multi-Level Parking, Community Centre & Office Complex-ah hian a leizawl leh a hnuai (basement) hi car parking atan hman a ni ang a, a chhawng khatna hi Sports & Youth Services Office atan hman a ni ang a, a chhawng hnihna hi UD&PA Department-in an luah dawn a ni. A chhawng chung berah chuan Auditorium changtlung leh mawi hnai tak mi 400 chuang len theihna tur sak a ni ang.