Vawiin khan DC Conference Hall Mamit-ah Pi Lalbiaksangi, District Bawrhsap hovin Mizoram, Nagaland leh Tripura-te a ruala lirnghing Mega Mockdrill neih turah Mamit District chhunga ruahmanna tlangpui inhrilhhriatna hun hman a ni.

Mamit District Disaster Management Plan leh National Disaster Management Authority (NDMA) duhdan angin a tak ang thei bera Mockdrill hi neih tum a ni a. He Mega Mockdrill-in a tum ber chu Mamit khawpui chhunga mipuite Sensitized an nih theih nan leh chhiatrupna thil lo thlen thulhah mipuite chi-ai mai lova tih tur leh tih loh tur an hriat theihna atana lo inbuatsaih lawkna a ni.

Naktuk Mega Mockdrill neihna turah hian Incident Response System (IRS) dungzuiin District Emergency Operation Centre chu tih nun a ni ang a, Staging Area atan Mamit GSA Playground chu ruahman a ni. Site incident atan hian chhiatrupna lo thlen palh pawha mipui tamna leh punkhawm tamna

1. Field veng Bazar building

2. Mamit Hospital

3. Govt. Mamit High School

4. Mamit Bazar vengte ruahman a ni bawk.

Naktuk Mega Mockdrill neih chhung hian nunphung pangngai a tikhaihlak dawn a. Traffic-te tih tawp a ni dawn bawk a ni. Mipui a tam thei ang berin he Mega Mockdrill hi lo thlir a, chhiatrupna tak tak lo thlen thulhah pawh rang taka hmalak dan kan hriat theih nan heng Staging Area leh Incident Site-ah te hian chetlak dan lo thlira zir turin leh chi-ai mai lo turin DDMA chuan mipuite a ngen a ni.

He Briefing-ah hian IRS Member-te an tel tha hle a ni.