4945/2025-2026   

Dated Mumbai, the 20th March, 2026: Nimin, March ni 19, 2026 (Ningani) khan Mumbai Mizo Association (MMA) chuan Mumbai khawpuia Mizo chengte tan Chapchar Kut a buatsaih a. Pu V. Malsawmtluanga, MLA leh Lunglei HPC Vice Chairman chu Kut Pa a ni. 

Kut Pa Pu V. Malsawmtluanga chuan Mumbai khawpuia Mizote chu tlawmngaihna vawng nung tlat tur leh Zonun zemawi hnamdang karah pawh lan chhuahtir zel turin a fuih a. Ruihhlo laka fihlim hram hram tur te, mahni hna thawhna hrang hranga rinawm taka thawk tur leh zirlaite pawh thahnemngai tak leh hlawhtling ngei ngei tura zir turin a fuih a ni. 

Mumbai-a Chapchar Kut hmannaah hian MMA President leh Mizoram House DRC ni bawk Pu H. Lalruatliana pawhin thu a sawi a. MMA Treasurer Pi Zohmangaihzuali’n inkhawm a kaihruai a. Mizo Students & Youth of Mumbai (MSYM)-te’n hnam lam chi hrang hrang an entir a. Mizoram atangin zaithiam Taitea Pautu leh Ruatpuii-te’n Chapchar Kut hi an hmanpui bawk a ni. 

Chapchar Kut hmannaah hian Mumbai Mizo mi 700 chuang an kal khawm a. Zanriah an kilho nghal a ni. Kum dang zawng aiin kumin Chapchar Kut hmangtu hi an thahnem a ni.