Mumbai International Film Festival, 2016 chu ni 28.1.2016 atang hian Mumbai-ah neih a ni dawn a. Heta tel tur hian Mizoram sawrkar-a Nodal Department, Information & Public Relations chu sawm an ni.
Kum 2014-a Aizawl-a MIFF neih tuma Mizote film tawi siam Tranquility chu tihchhuah tura thlan a ni a. Film siam dan leh a chanchin sawi turin Pi Lallianpuii, Deputy Director, I &PR chu ruat a ni.
Film Selection Member pakhat anih angin Pu Napoleon R.Z. Thanga chu Mumbai Internation Film Festival a kal tura thlan a ni bawk a. Aizawl-a MIFF, kum 2014-a neih tuma a workshop film siam Misty Voyage sawifiah turin Pu Aldrin Zosangliana chu thlan a ni bawk.
An pathum hian vawiin khan Aizawl an chhuahsan a ni.
