Tukin khan I & PR Office kawt atangin NEDP hnuaia, I & PR Department hmalaknain Aizawl East-I MLA Consituency, Mizoram Upa Pawl te chu sorkar hmalakna en turin Pu T. Sangkunga, MLA chuan a vailiam.

Pu Sangkunga chuan kal turte MUP member 20-te hnenah sorkar-in hmalakna hrang hrang aneih zingah a pawimawh thenkhatte  en thei tura NEDP Scheme hmanga MUP te I & PR Department in MLA Bial 40 amite zinna a siamsak chu tangkai turah a ngaih thu a sawi a. Tuirial Hydel Project leh Airport lo pian chhuah dan hrang hrangte a hrilh a ni.

Aizawl East-I MUP te hian kal lamah Lengpui Airport an tlawh anga, Kolasib-ah riak thlain, Kolasib khua fangin an riak ang. Naktuk-ah Tuirial Hydel Project leh Serlui Mini Hydel Project an tlawh anga, Bagha-Serkhan Road atangin an lo haw dawn a ni.